Kɛɛ à po Gèɖèpɔ́ɔ̀ zùo, sepóɛɖé ɔ mɔ̀ nyɔ nàìn à ti séín ɖé ɖúú ɓɛ́ à mɔ̀à Kɛ́ɖɛ́ì gǐì ɓěɔ̀ kɛɛ nìà mú ɖé Kɛ́ɖɛ́ì ɖeín ɓó ɔ to ɖu jèɛɛ mú. Gèɖèpɔ́ɔ̀ nyùìn à kũ̀à mú ɓɛ́ ɔ kéɛ nyu ɓɛ́ nyɔǔn ké Kɛ́ɖɛ́ì dyí dyuò dà séín kà nyɔ́ún-nɔ̀mɔ̀-ɖɛ̀ɛ̀ nyɔ́ ɓeàìn dyi dà séín nyɛ. À nì kà nyɔ́ún-nɔ̀mɔ̀-ɖɛ̀ ɓɛ́ Kɛ́ɖɛ́ì fɔ̃̀à ɖé Gèɖèpɔ́ɔ̀ gboɛɛ nìà kɛ. Ɔ nyɔ́ɔ̀ mu nyɔ ɓě nìà póɛń nyɛ kè nyɔ ɓě nìà mú gbɔɔ̀ǔn wɛ̃ɛ gbo.