Vèsè popilè nan Bib la ki soti nan Deuteronomio 15

Pataje

Isabenö a̧'dȩlökönö, kwo̧'wo ösöwanö otiwanö balewö kwiyaduwobö ja̧kobe chömöledö, ja̧danö baikwö yötawaduwakwö, jejenö otiwanö kwömöledöduwinö öpöjödökönö pjakataduwiökwe, kwuluwo̧duwi Isabenö Jo̧ Diosma edö ösödakobe, ja̧danö okobe jwiinö kwotidaduwi̧bi, ju'wi ja̧bö kwö̧jaduwi̧bi otiwanö laebi̧nö pjaatakwo̧, –Bidö chömöledöma otiwanö tjömöledönö a̧'dȩlökönö pjabatadö, –jö̧ba̧lö.

Isabenö ba̧kwelöjatebö ju'wedö jwibadö tjö̧jakobe kwiteboduwitjö chömöledö, jo̧kwajabetjö̧ jweinö wetaduwakwö, Kwiteboduwi israel nijitjö ju'wedö kwömöledöduwi usula jojodö ja̧nö, jwibö tjö̧jenama, a̧'dȩlökönö otiwanö jobadönö iyö kwöbalewaduwo, —jö̧ba̧lö yöawinobe Moisesma.

Jau chömöledö, wei̧ a̧ja̧kwö kwö̧jaduwiökwe, yöbawö ujuninadanö kwuluwo̧duwi Isabenö Jo̧ Dios ökwödönö pjaatenama, otiwanö kwujuna̧laduwakwedöja, ja̧danö ju'wedö tjitebokwena jojodötjö balewakwawa akebaduwobö jwiena yelösöda, ida̧ökö otiwanö kwujuna̧laduwobetjö̧. Jau chömöledö, jobadötjö abebökönö, ökwödö israel jojodöda jobadönö kwöbalewaduwena, ju'wedö tjitebo jojodö ökwödö israel jojodönö musidadö batjibanö. Ja̧danö ju'wibi ökwödö israel jojodöda ju'wedö tjitebokwena luwedö kwö̧jaduwena. Dios wei̧ a̧ja̧kwö kwö̧jaduwobetjö̧, ju'wedö tjitebokwena ömöayedö jö̧kö̧nö, ökwödö israel jojodöda ju'wedö tjitebokwena jojodö tjuluwedö kwö̧jaduwena chömöledö.