Vèsè popilè nan Bib la ki soti nan NÚMEROS 20

Pataje

Chaipimi Mandaj Diosca Moisestapash, Aarondapash cashna nirca: —Cangunaca, ñucata na crishpami, ñuca jucha illaj cajtaca, israelcunapaj ñaupajpi na ricuchircanguichi. Chaimandami tandanajushca cai israelcunataca, ñuca carashca llactaman na chayachi ushanguichi— nircami.

—Cambaj vara caspita japi. Chai jipaca, cambaj huauqui Aaronhuan ishcai tucushpa, tucuilla israelcunata tandachimushpa, paicunapaj ñaupajpi chai jaca rumita rimai. Shina rimajpimi chai rumimandaca, ashtaca yacu llujshinga. Chai jaca rumimanda yacuta llujchishpami, tandanajushca israelcunamambash, paicunapaj animalcunamambash ufiachun carangui— nircami.

Shina nishpami Moisesca, paipaj maquita alsashpa chai jaca rumitaca, paipaj vara caspihuan ishcaicaman huactarca. Shina huactajpimi, yacuca ashtaca llujshijurca. Shina llujshijujpimi tandanajushca israelcunapash, paicunapaj animalcunapash yacuta ufianajurca.

Chai jipami, tandanajushca israelcunataca Moisespash, Aaronbash, chai jaca rumi ñaupajman tandachishpa cashna nirca: —¡Na cazuj gentecuna, cunanga uyaichi! ¿Cai jaca rumimandachu, yacuta llujchina canchi?— nircami.