Vèsè popilè nan Bib la ki soti nan Ñwed Mbon Rom 8

Pataje

Ñko ñnyịn imidiọọñọ ibo ke Abasi anam afịd ñkpọ ke ufọn mbon e-emaaha anye, e-ekoodo ekeene uduak amọ.

Sia ami mmenekke nnịm mbo ke ñkpa, me uwem, me mme enyere, me mme dimọn, me idahami, me ini iso, me adudu keed akeedodo, me unyọọñ, me udem, me ñkpọ ndomokeed ke afịd abod, idiikanna idiañña ñnyịn ikpọñ ima Abasi abaaha ke Krais Yisọs Abọọñ ñnyịn.

Ke ukem usʌñ ado, Sịbidịd inyaaña ñnyịn ke ini mmemidem. Ñnyịn idiọọñọke se ñnyịn ikpibeeñe ke akam, ado Sịbidịd ke idem amọ akama ñkuun atie ubiọñ anam ñkpeubọk inọ ñnyịn.

Sia ñkpọ abaaha ntom, nsoo ke ñnyịn idiitañ? Adieke Abasi abaaha ye ñnyịn, anie akeme adibiọọñọ ñnyịn?

Ke ntoro, ubiomikpe ibaaha inọ mbon e-ebaaha ke Krais Yisọs

Akikere a-abʌkidem akarake adat aka ñkpa, ado akikere a-Sịbidịd akarake adat aka uwem ye emem.

Iyoo, ke mme afịd ñkpọ ami ñnyịn ido mme andinekke ñkan ato anye a-akimaaha ñnyịn.

Ami ndat nte ke ufen a-ñnyịn ibọọhọ idahami idooho se eben edomo ye ubọọñ e-ediiyaara ke idem ñnyịn.

Anie adiidiañña ñnyịn ikpọñ ima Krais? Nte mfịna, me ukuud, me ukọbọ, me akañ, me unana afọñ, me ñkpọ ndịk, me ñkpọ afai, akeme idiañña ñnyịn ikpọñ ima Krais?

Ndin anye a-aduuñọke esịd ñnyịn a-adiọọñọ akikere Sịbidịd, sia Sịbidịd atie ubiọñ anọ nditọ Abasi naña asaña ke uduak Abasi.

Sia mbon a-Sịbidịd Abasi adatta usʌñ, ammọ ikpọọñ edoñño nditọ Abasi.

Mbon e-eduuho uwem naña abʌkidem atemme esịn akikere ammọ ke udọñ abʌkidem; ado mbon eduuho uwem ekeene Sịbidịd esịn esịd ammọ ke udọñ Sịbidịd.

Anye i-imiikibọọhọ Ayịn amọ isuuk, ado ayaak anye anọ ke ntak ñnyịn, die ndin ke anye ñko ukem ye ayịn amọ adiitre aditat ubọk inọọ ñnyịn afịd ñkpọ?

Sịbidịd ke idem amọ atie ntiense ye sịbidịd ñnyịn ate ke ñnyịn ido nditọ Abasi. Ndin adieke ñnyịn idooho nditọ, ñnyịn ido mme adiaakpa, adiaakpa ake Abasi ye mme ndiana adiaakpa ye Krais; sia adieke ñnyịn iwuanake ke ufen amọ ke akpanikọ, iyainyʌñ iwuana ke ubọọñ amọ ñko.

Akikere a-abʌkidem akarake ado asua ye Abasi; anye isuuho iwuod inọ mbed Abasi, inyʌññọ ikan inịm mbed.

Afịd abod asʌk abet ke akpọsọñ udọñ adiyaara nditọ Abasi.

Ñnyịn imidiọọñọ ke afịd ederimbod asʌk akuun nte aba ke ubiak uman ayịn tutu asịm idahami.