Vèsè popilè nan Bib la ki soti nan Ñwed Mbon Rom 14

Pataje

Sia abioubọọñ Abasi ikọñọke ke udia ñkpọ ye unwọn ñkpọ, ado akọñọ ke adinenido, emem ye idadesịd ke Adisana Sịbidịd, sia awo akeedodo a-anamma ñkpọ anọ Krais ke usʌñ ami a-anem Abasi esịd, mme awo enyʌñ ekpono anye.

Adieke ñnyịn iduuho uwem, ñnyịn idu inọ Abọọñ, ndin adieke ñnyịn ikpaaha, ñnyịn ikpa inọ Abọọñ. Ke ntoro adooho ñnyịn idu uwem anyʌññọ ado ikpaakpa, Abọọñ inie ñnyịn.

Yak ñnyịn ndin idomo ukeme adinam se idiidat emem idi inyʌñ inwam ke adisọọñọ emọ-emọ idem.

Ndin yak ñnyịn itre adibiom emọ-emọ ikpe. Utu ke ado, biere ke esịd mfo aditre adinịm ñkpọiduọ me ubiọọñọ ke usʌñ ayịneka mfo ke Krais.

E-ewet ebo: “ ‘Ke adaña nte ami nduuho uwem,’ Abọọñ atañ, ‘afịd edọñ eyaetọọñọ ennọ miin, afịd edeme eyaetañ ikọ ntiense ebaña Abasi.’ ” Ke ntoro ñnyịn keedekeed iyainam ibad adinam ñnyịn inọ Abasi.

Idaara, ikiisat awo a-mbuọdidem amọ amemme, ndin ikiifaaña ye anye ibaña ñkpọ se isịne mfaaña.

Afo ado anie adibiide ikpe nnọọ ayịnufọk awo mfen? Eteufọk amọ ikpọọñ akeme ibiere ikpe nnọọ anye, idooho afo. Ndin ke unwam Abasi ammọ eyaenam se ifọn, sia Abọọñ akeme inam ammọ enam se ifọn.