Vèsè popilè nan Bib la ki soti nan Efiesianenge 4

Pataje

Javén lačhé jekh ke jekh, tangipnýtka (žalosna), primangen jekh jekhéske, syr i Devél pir Xristosóste primangdia tuménge.

te javén tumé štyl (tiha) i kandypnýtka i kovlé-ilýtka, te otlydžanpe jekh ke jekh dlugone vyrikiribnasa i patyvása

Na rakirén nisave kirne lavá, a jekh lačhé lavá, vaš podrikiribén dro patiaibén, sob (kaj) davá te janel bahtiakiribén odolénge, kon šunéla.

Mek kažno kirkipen, xolý, čingárd, i gódla i nalačhé lavá te otdžan tuméndyr khetané saré tumaré fuipnasa.

Kóli tumé xoliasona, na kerén grého: na javén xolynakire saró dyvés, i na den štéto bengéske dro tumaró džiibén.

Mekén péskiro phuranó džiibén i na poddenpe grehóske, ke savó zlydžala grehítko tyrdypén; ne len te duminen nevoné-manušéskire-godiása dro Dúho (Fáno); i piriparudjon dre nevoné manušéste, savés Devél sozdyjá pir Péskiro dro patiaibén i svénto čačipén.

te pričhuvén zor te zrakhen jekhipén, savó Dúho (Fáno) déla pir ramánjo (miro), so khetaniakirela tumen.

i Jov čhudiá vari-konés Apostolenca, vari-konés prorokenca, vari-konés te rosphenén manušénge bahtalý zan, vari-konés Devlytkoné-manušéngire rakhibnar'jénca i vari-konés sykliakiribnaskirénca, sob (kaj) te fedyrjakiren Devlytkoné manušén te rosphenén Devléskiro lav te zoraliakiren Khangirí, Saví isyn Xristosóskire-duhóskire masá; paka ame saré javása dro jekhipén ke jekh patiaibén i ame udžinasa Devléskire Čhavés, i ame jačasa baré (stala) murša i dodžasa ke naj staledyr (sama stala) Xristosóskire beršá

vaš dová, sob (kaj) ame te na javas butýr syr bijatoré (tyknoré), savé kuninenape i moginéna te zmarenpe čačuné droméstyr manušytkoné mendripnasa i xohaibnasa; a sob (kaj) aménge te rikiras čačipén dre patýv jekh ke jekh, pir saró te barjovas te zdžas (te poddžas) pe Xristosóste, Savó isyn Xuláj pe saró