Vèsè popilè nan Bib la ki soti nan WƖAA DƖ-SUOMUŊ 27

Pataje

Wɩa jaŋ leŋ dɩ wɩa-nyuŋ nyal-zɔmʋŋ nyal ŋ baga lɛ dɩ ʋ sɩŋ, a leŋ dɩ ŋ na kʋdiilee yʋgɛ arɩ tɩɩnɛnɛɛ sɩnɩŋ. Wɩa jaŋ leŋ dɩ dʋnɩa sɛmɛ na-kala nɩaa kpikpirimi ŋ sɩpaaŋ aŋ tɩmaa pɩŋ a leŋ dɩ ŋ bibeŋ ŋ naambiiriŋ, dɩ ba kpikpirimi ŋ sɩpaaŋ. Dɩ nʋʋ ma nɛ ŋmɩɛsa hɛ ŋ lɛ, dɩ ŋmɩaŋ-la dii ʋ tɩɩna. Dɩ nʋʋ ma nɛ sʋl wɩɩ-zɔmʋŋ pɩŋ, dɩ Wɩa pɛ tɩɩna ma lɛ.”

Ɛsɔ bʋl, “Ʋ yɩrɩŋ sɛnɛ magɛ dɩ ʋ dii Jekɔb. Bʋlɩa nɛ ŋ-la ʋ sɩ gʋrɩmɛ, ʋ laa sɩpaaŋ laa mɩ hɩɛsɩŋ aŋ bɩra laa mɩ Wɩɩsʋlʋŋ ma ŋ teeŋ.” Ŋɩɩ nɛ Ɛsɔ bɩra pɩɛsɛ, “Wɩɩsʋlɩɩ kala bɩra tuo, ŋ sɩ jaŋ sʋla pɩmɛ maa?”

Ʋ nyɩmma Aɩzɩk bʋla pʋ, “Lee-la ŋ sɩ jaŋ hɔŋ, ʋ tinteeŋ bɩ jaŋ zɔŋ, wɩa-nyuŋ fɩɛlɩŋ ma bɩ jaŋ yiŋ. Ŋ jaŋ yuyuo laalɩŋ bʋa na-kala lɛ aŋ tɩma pɩpɩ ŋ naambie. Dɩ ʋ nɛ kʋ magɛ ŋɩɩ, ŋ jaŋ lɔl aŋ laa ŋ tɩtɩa ŋ naambie teeŋ.”

Ŋɩɩ nɛ Ɛsɔ pɩɛsɛ ʋ nyɩmma, “Wɩɩ-sʋl-bala dʋndʋŋ nɛ ŋ kɛŋ? Mɩ nyɩmma, sʋl Wɩa pɩmɛ ma.” Ŋɩɩ nɛ ʋ faasa yel.