Vèsè popilè nan Bib la ki soti nan MOSIS KƐŊ IZIRAL TƖŊŊAA LƖƖ 16

Pataje

Ŋɩɩ nɛ Iziral tɩŋŋaa bʋla pɩ Mosis arɩ Arɔŋ, “Dɩ la nɛ fa sʋba La TƖƖNA nɩsɩŋ lɛ Ijipiti tinteeŋ lɛ, ʋ nɛ kpɩa. Lee-la, la fa yie hɔŋ nɛ a chaŋ nammɩa aŋ dii kʋdiile-la kala la sɩɩ chɛ a vɔgɛ, aŋ ka lɛɛlɛ ma kɛnla kʋ lɩɩ tintee-hɩlɩŋ deeŋ lɛ dɩ la nɩ-daŋ deeŋ kala sʋʋ arɩ losuŋ.” Ŋɩɩ nɛ La TƖƖNA bʋla pɩ Mosis, “Mɩ jaŋ leŋ dɩ kʋdiilee lɩɩ wɩa-nyuŋ kʋ tuu a pɩma a nagɛ duonuŋ sɩ yie lɩɩ wɩa-nyuŋ kʋʋ tuu ŋɩɩ. Tapʋlɩɩ na-kala nɩalɩŋ jaŋ lɩɩ paa ba sɩ jaŋ wuo dii magɛ ŋɩɩ. Mɩɩ chɛ dɩ mɩ magɩsɛba a na ba jaŋ to wɩalɩŋ mɩ sɩ dagɛba koo ba bɩ jaŋ to.

Ba sɩ hɛ tintee-hɩlɩɩ-la lɛ, Iziral tɩŋŋaa kala gʋgʋrɩmɛ wɩaa Mosis arɩ Arɔŋ teeŋ.

Ŋɩɩ nɛ Mosis bɩra bʋl, “Dɩdaanɩŋ deeŋ La TƖƖNA jaŋ pɩma nammɩa dɩ ma chaŋ. Chie chʋchʋɔŋ ʋ jaŋ pɩma kʋdiilee dɩ ma dii a vɔgɛ. Dɩ ʋ nɛ ŋaa ŋɩɩ, ma jaŋ jɩŋ arɩ La TƖƖNA nɛ kɛmma kaa kɔ daha. Ʋ nɩɩ wɩalɩŋ ma sɩ gʋrʋma ʋ teeŋ nɛ. La ma nɛ kʋbɛɛba maa gʋrɩmɛ wɩaa la teeŋ? La TƖƖNA teeŋ nɛ maa gʋrɩmɛ.”

“Mɩ nɩɩ Iziral tɩŋŋaa sɩ gʋrɩmɛ wɩalɩŋ nɛ. Bʋla pɩba, ‘Jɩnɩŋ wɩɩ-mul-jʋʋlʋŋ ma jaŋ chaŋ nammɩa, chie chʋchʋɔŋ ma jaŋ dii kʋdiilee a vɔgɛ. Ŋɩɩ nɛ ma jaŋ jɩŋ arɩ mɩ nɛ ŋaa ma TƖƖNA Wɩa.’ ”