Vèsè popilè nan Bib la ki soti nan 2 Corintios 13

Pataje

Anc̈hucqui persunpacha kuz tantiyasa, Cristuz̈quin tira kuz tjurt'iñi, uz̈ ana tjurt'iñi, jalla nii. Persunpacha tantiyasa. Jesucristuqui anc̈huca kuznacquizza. ¿Jalla nii ana naazjo? ¿Anc̈hucqui anaj ultim criichinacajo?

Jesucristo Jiliriqui tjapa anc̈hucaquiz zumanacaj tjaala, niz̈aza Yooz Ejpqui tjapa anc̈hucatan zuma munaziñej cjila, niz̈aza Yooz Espíritu Santuqui tjapa anc̈huca kuznacquiz cjila. Jalla nuz̈oj cjila. Amen.

Jilanaca, cullaquinaca, jalla nuz̈ chiiz̈cu tiizakal chiyuc̈ha. Anc̈hucaquiz zumaj cjila. Anc̈huca kamañanaca zumpacha azquicha. Zuma kamañchiz panz̈ cjisna. Niz̈aza anc̈hucqui porapat kuzzasñiz̈ cjee. Tsjii kuzziz cjee. Porapat zuma munaza. Jalla nuz̈ zuma kaman, Yoozqui anc̈hucatan cjila. Yoozqui ancha zuma okzñi kuzzizza, niz̈aza niic̈ha llan kuzziz cjiskatñiqui.