Vèsè popilè nan Bib la ki soti nan EXODO 7

Pataje

Kag ang GINOO nagsiling kay Moises, “Tan-awa, ginahimo ko ikaw nga Dios kay Faraon; kag si Aaron nga imo utud mangin-imo manalagna.

Apang patig-ahon ko ang tagiposoon ni Faraon, kag bisan pabuaron ko ang akon mga tanda kag mga katingalahan sa duta sang Egipto, si Faraon indi magpamati sa inyo; niyan ibutang ko ang akon kamut sa Egipto kag pagowaon ko ang akon mga kasoldadosan, ang akon katawohan nga mga anak sang Israel, gikan sa duta sang Egipto paagi sa dalagku nga paghukom.

Kag kilalahon sang mga Egiptohanon nga Ako ang GINOO, kon mag-untay ako sang akon kamut sa Egipto kag magpagowa sang katawohan sang Israel gikan sa tunga nila.”

Niyan gintawag ni Faraon ang mga mangin-alamon kag mga manugbabaylan; kag sila man, ang mga salamangkero sang Egipto, naghimo sang amo nga bagay paagi sa ila mga padihot. Kay ginpilak sang tagsa ka tawo ang iya sungkud, kag nanginman-ug sila. Apang ang sungkud ni Aaron naghalunhon sang mga sungkud nila.

Amo ini ang ginasiling sang GINOO, “Sa sini pagkilalahon mo nga Ako ang GINOO: yari karon, sa sungkud nga yari sa akon kamut hampakon ko ang tubig nga yara sa Nilo, kag mangindugo ini

“Kon magsiling sa inyo si Faraon, ‘Pakita kamo sing katingalahan nga sa inyo,’ niyan magasiling ka kay Aaron, ‘Kuhaa ang imo sungkud kag ipilak ini sa atubangan ni Faraon, agud nga mahimo ini nga man-ug.’” Gani si Moises kag si Aaron nagkadto kay Faraon kag ginhimo nila sono sang ginsogo sang GINOO; si Aaron nagpilak sang iya sungkud sa atubangan ni Faraon kag sang iya mga alagad, kag nahimo ini nga man-ug.