Vèsè popilè nan Bib la ki soti nan EXODO 4

Pataje

Niyan ang GINOO nagsiling sa iya, “Sin-o bala ang naghimo sang baba sang tawo? Sin-o bala ang nagahimo sa iya nga apa, ukon bungul, ukon makakita, ukon bulag? Indi bala ako, ang GINOO? Busa karon lakat ka, kag magaupud ako sa imo baba kag magatudlo sa imo sang imo ihambal.”

Apang si Moises nagsiling sa GINOO, “O, Ginoo ko, indi ako madagmit maghambal, bisan tubtub karon ukon kutub sang pagpamolong mo sa imo alagad; kondi makuli ako sa paghambal kag mabug-at sing dila.”

Niyan ang kaakig sang GINOO nagdabdab batok kay Moises kag nagsiling sia, “Wala bala dira si Aaron, nga Levinhon, nga imo utud? Nakahibalo ako nga sia makahambal sing maayo; kag yari karon, nagakari sia sa pagpakigkita sa imo, kag kon makita niya ikaw magakalipay sia sa iya tagiposoon.