Vèsè popilè nan Bib la ki soti nan EXODO 2

Pataje

Kag nabatian sang Dios ang pag-ugayong nila, kag ang Dios nagdumdum sang iya katipan kay Abraham, kay Isaac, kag kay Jacob. Kag nakita sang Dios ang katawohan sang Israel, kag nahibal-an sang Dios ang ila kahimtangan.

Sang nagligad yadtong madamu nga adlaw napatay ang hari sang Egipto. Kag ang katawohan sang Israel nagpanghayhay bangud sang kahiolipnan, kag nagtuaw sila, kag naglambut sa Dios ang pagtuaw nila bangud sang kahiolipnan.

Kag nagtubo ang bata, kag gindala sia sa anak ni Faraon, kag nangin-anak sia niya; kag ginhingalanan sia niya Moises, kay sia nagsiling, “Bangud nga ginkuha ko sia sa tubig.”

Kag ang anak ni Faraon nagsiling sa iya, “Dalha ining bata, kag batiti-a sia tungud sa akon, kag ako magasohol sa imo.” Gani ginkuha sang babayi ang bata kag ginbatiti sia.

Karon ang babaying anak ni Faraon nagdulhog sa pagpaligos sa suba, kag ang iya mga kadalagahan nagadayandayan sa pangpang sang suba; nakita niya ang takupis sa kabagaasan kag ginpadala ang iya alagad nga babayi sa pagkuha sini.

Sang isa ka adlaw, sang daku na si Moises, nagkadto sia sa iya katawohan kag nagtan-aw sa ila mga lulan; kag nakita niya ang isa ka Egiptohanon nga nagabakol sang isa ka Hebreo, isa sang iya katawohan. Nagpangholongholong sia, kag sang nakita niya nga wala sing tawo ginpatay niya ang Egiptohanon kag gintago sia sa balas.