Vèsè popilè nan Bib la ki soti nan EXODO 16

Pataje

kag nagsiling sa ila, “Kuntani nagkalamatay kami sa kamut sang GINOO sa duta sang Egipto, sang kami nagalingkod sa luyo sang mga lalagaan sang unud kag nagakaon sing tinapay tubtub mabusug; kay gindala ninyo kami sa sining kamingawan sa pagpatay sa gutum sining bug-os nga katilingban.” Niyan ang GINOO nagsiling kay Moises, “Yari karon, paulanon ko sa inyo ang tinapay gikan sa langit; kag ang katawohan magagowa kag magatipon sa adlawadlaw sang bahin sa tagsa ka adlaw, agud nga akon sila matilawan, kon magalakat sila sa akon kasogoan ukon indi.

Kag ang bug-os nga katilingban sang katawohan sang Israel nagkumud batok kay Moises kag kay Aaron sa kamingawan

Kag si Moises nagsiling, “Kon ang GINOO maghatag sa inyo sa kahaponon sing unud nga kaonon, kag sa kaagahon tinapay nga makabusug, kay ang GINOO nakabati sang inyo mga pagkumud nga ginkumud ninyo batok sa iya—ano bala kami? Ang inyo mga pagkumud indi batok sa amon kondi batok sa GINOO.”

“Ako nakabati sang mga pagkumud sang katawohan sang Israel; isiling sa ila, ‘Sa kahaponon magakaon kamo sing unud, kag sa kaagahon busgon kamo sing tinapay; niyan mahibaloan ninyo nga Ako ang GINOO nga inyo Dios.’”