Vèsè popilè nan Bib la ki soti nan Numeros 14

Pataje

Ayaw lamang kamo pagsukol sa GINOO ug ayaw kahadlok sa katawhan sa maong yuta kay sayon ra nato silang buntogon. Mahanaw kanila ang ilang panalipod kay ubanan man kita sa GINOO busa dili kita angay nga mahadlok kanila.”

‘Dili ako daling masuko ug naghingapin ang akong gugmang walay paglubad; mopasaylo ako sa kalapasan ug kasal-anan apan dili ko pasayloon ang mga nakasala. Silotan nako ang mga anak tungod sa kalapasan sa mga ginikanan hangtod sa ikatulo ug ikaupat nga kaliwatan.’

Kon nahimuot kanato ang GINOO, dad-on kita niya niadtong yuta nga tabunok kaayo ug itugyan niya kini kanato.

Apan ang akong alagad nga si Caleb dad-on ko sa yuta nga iyang giadtoan ug makapanag-iya niini ang iyang mga kaliwat tungod kay nagbaton man siyag lahi nga espiritu ug misunod kanako sa hingpit.

Sultihi sila nga nag-ingon si Yaweh, ‘Ingon nga ako buhi,’ ipanumpa ko nga buhaton ko kaninyo ang inyong gipangayo.

Ug ang GINOO miingon kang Moises, “Kanus-a ba kining mga tawhana mohunong sa pagdumili sa pagtuo kanako? Dili ba gayod sila motuo kanako bisan pa sa tanang milagro nga akong gihimo sa ilang taliwala?

Ug ang tanang katawhan sa Israel nagmulo batok kang Moises ug kang Aaron. Sila miingon, “Maayo pa untag nangamatay kami sa Ehipto! O nangamatay ba hinuon kami niining kamingawan!

Ug si Josue nga anak ni Nun ug si Caleb nga anak ni Jefone, ang mga tawo nga mikuyog sa pagsusi sa yuta, migisi sa ilang mga bisti tungod sa kaguol. Ug miingon sila sa tibuok katilingban sa Israel, “Ang yuta nga among gisusi maayo kaayo nga yuta.

Apan sa pagkatinuod, tungod kay buhi ako ug ang tibuok kalibotan napuno man sa akong himaya, walay mahabiling buhi niining mga tawhana ug makasulod niadtong yutaa. Nakakita sila sa akong himaya ug sa mga milagro nga akong gihimo didto sa Ehipto ug sa kamingawan apan gisulayan gihapon nila ako sa ikanapulo na ka higayon ug wala sila mamati sa akong tingog. Walay usa kanila nga makakita sa yuta nga gisaad ko nga ihatag sa ilang katigulangan. Wala gayod kanila nga nagsalikway kanako ang makasulod niini.