Vèsè popilè nan Bib la ki soti nan Titus 2

Pataje

Dii nyiŋla, Wen a nye ka wari a te ti wa ŋmanteka nyiŋ ayen nurubiik meena a nya varibasika. Yɔgyɔgla de, wa be nyini ka peelim a pai wanni de a sak ti. Di a sak ti ayen ku a fɛ kama ayen ti kan pai ti suiniima ale ti popola meena a basi tɛŋzuk de ŋanyaalik jigiya. Kan a nye wie ŋaai ale kan a va suiku la. Di maari a sak ti kama ayen ti seba ti dek yikka, abe ti chim nuru weleŋsa ale wensie nyam, abe ti a tom tuim ŋaai le ŋa peenti Wen sui tɛŋzuk de meena la.

Ku a fɛ kama ayen ti a nye dila abe ti ta yiila ale suipeentik a limisi da dii ate Yeezu Kirisita le ŋman pilim jam tɛŋzuk de ale wa zulaŋa ale wa pagrimu yegayega la. Wa ka ti Wen kpienni ale Varibasidɔ. Wa jam kpi kama ayen wa da tuesi ti ti tuimbaataŋa po a basi abe wa sugri ti suiniimaŋa, abe wa soa ti ate ti chim wadek nuruba, abe ti nina muni ale tuimaŋsa tomka.

Wie meena po, ku a fɛ kama ayen fidek a tom tuimaŋsa ate nuruba a yaa tomsi fu. A sak ba sinsak ŋaai ale nye cheri ate nuruba a zuli fu. Sak ba sinsak ŋaai le ŋa basi ate nuru kan baga a nya suik a biisi a gaam fu la. Fi dan a biisi wieŋa de ale wensie, chivie le yik ti dachaasaŋa kama ate ba kan nya suik a biisi tama wari ya.