Vèsè popilè nan Bib la ki soti nan 1 Timoti 2

Pataje

Dii nyiŋla Wen ka dinyi. Ka sanyigmoa yeŋ mɛ ale bo Wen ale nurubiik suŋsuŋ. Nuru wala abe ale Yeezu Kirisita. Wa zaani ka nuruba meena naŋkula po a kpi a te ba ayen wa vari ba ba tuimbaata meena po a basi. Da dii danni ate Wen le weeni varibasika de wie a sak nuruba la a paari kama ate wa yaa weeni a sak ba.

Yɔgyɔgla de mi a yaali kama ayen ni a nye Wen jiam abe ni a saalim wa a puusi a te waai meena ale nalima ale baai meena ale a nya ti zuk la. Puusi Wen ayen wa maari ba ate ti meena a boro ale suiyɔgni abe ti a va Wen nalimnyiini abe ti a zuli wa.

Dila nyiŋ ate mi a yaali ayen jigi meena nidoama ale va Wen nalimnyiini la, a zak nisim weleŋsa wen a puusi abe ba kan ta suipuurum ale nanpaga nakka ale chaaba. Mi a yaali mɛ ayen nipooma a kan a jo gatta ase nidoa yaalisa la, alege ba a jo ba gattaŋa ale yam. Ba kan pai ligra yegayega a da ŋanta a bobi ba zuk zuisaŋa, abe ba kan a su ni felima ŋaai diak ale pagra la, abe ba kan a jo garuk tii diak ale pagra la. Alege ku nala kama ate ba basi ate tuimaŋsa a tagri ba nalimu yaalika kɔlimaŋa. Dii nyiŋla, ba a va ka Wen.