Vèsè popilè nan Bib la ki soti nan Нүүдл 10

Pataje

Деед Эзн Мошед закчана: – Хан тал йов. Хан болн энүнә мухлас урдк кевәрн догшн болдгар кенәв. Би эдн дунд Эврә өвәрц йовдлмудан үзүлхәр кеҗәх юмн болҗана. Яһҗ Би Египетин улст догшн йовдл үзүлснә болн Би Эврә өвәрц йовдлмудан һарһсна тускар тадн көвүдтән болн ачнртан келҗ өгхит. Болв энтн кен Деед Эзн болҗахинь тадн медтхә гиһәд кегдҗәнә!

Деед Эзн Мошед закчана: – Һаран теңгрүр өрг – Египетин һазрт таш харңһу болх, әмтн харңһуд юм үзлго темтрәд йовтха! Моше һаран теңгрт сарвахла, Египетин һазрт һурвн өдртән таш харңһу болв. Әмтн нег-негән үзсн уга, һурвн өдртән ормасн көндрҗ чадсн уга. Зуг Израилин улсин бәәсн бәәрнд герлтә болв.

Моше Египетин һазр деегүр тайган дайлв. Деед Эзн Египетүр дорд үзгин сальк йовулв. Салькн өдрин болн сөөни дуусн үләһәд, маңһдуртнь дорд үзгәс царцаха авч ирв. Царцаха Египетин һазрур ирәд, цуг орн-нутгиг дүүргв. Урднь кезә чигн уга бәәсн, даруһас чигн уга болх царцахан тонь икдәд одв.