Vèsè popilè nan Bib la ki soti nan Paikhiatna 16

Pataje

Israel-te in amau tungah, "TOPA khutlumin Egypt ah na si zaw mai le ung! Tua lai-ah sabeel umin ka tu uh a, an ka duh zahzah uh ka ne uh hi; ahi hangin note in a puksi khin dingin kote hih sehnel-gam nong tun uh hi," a ci uh hi. Tua ciangin TOPA in Moses tungah, "Note ading van panin anlum kong zusak ding hi. Nisimin mipite paikhia-in a khamkhop ding uh a kaikhawm ding uh hi. Hih bangin amaute ka zia-et dinga, ka lamlahnate a zuih uh leh a zuih loh uh ka mu ding hi.

Sehnel-gam ah mihon bup in Moses le Aaron a phunsan uh hi.

Moses in zong, "Amah na phunsannate uh za zo ahi manin nitak-a a nek ding uh sa hong piak ciang le zingsanga an na duh zahzah uh hong piak ciangin tua in TOPA hi, cih na thei ding uh hi. Kote kua ka hi uh hiam? Kote hong phunsan na hi kei uh a, TOPA phunsan na hizaw uh hi," a ci lai hi.

"Israel-te phunna ka za khin hi. Amaute tungah, ‘Khuamui ciangin sa na ne ding uh a, zingsang ciangin anlum na kham ding uh hi. Tua ciangin keimah TOPA note’ Pasian, ka hilam na thei ding uh hi, ci hi, ci-in gen in," a ci hi.