Vèsè popilè nan Bib la ki soti nan Jozye 23

Pataje

Mwen menm, mwen pa lwen kite tè a. Nou tout nou konnen nan kè nou ak nan lespri nou Senyè a, Bondye nou an, te ban nou tout bèl bagay li te pwomèt nou yo. Li kenbe tou sa li te pwomèt, yo tout rive vre.

Atansyon wi! Se pou nou renmen Senyè a, Bondye nou an.

Yon sèl gason nan mitan nou kont pou fè mil gason nan lènmi nou yo kouri met deyò, paske Senyè a, Bondye nou an, ap goumen pou nou, jan li te di l la.

Se Senyè a, Bondye nou an, ase pou nou toujou kenbe fèm, jan nou te toujou fè l jouk jounen jòdi a.

Se pou nou fè sa nou kapab pou nou toujou swiv tou sa ki ekri nan liv lalwa Moyiz la, san neglije anyen ladan l.