Vèsè popilè nan Bib la ki soti nan Jozye 10

Pataje

Solèy la rete kote l te ye a, lalin lan pa fè yon pa jouk pèp Izrayèl la te fin kraze lènmi l yo. Se sa nou jwenn ekri nan liv Moun ki mache dwat la. Solèy la rete nan mitan syèl la san li pa mache yon bon tan, longè yon jounen konsa. Se apre sa l'al kouche.

Jou Senyè a te lage moun Amori yo nan men moun pèp Izrayèl yo, Jozye pale ak Senyè a devan tout pèp la, li di: — Solèy! Rete klere sou lavil Gabawon! Lalin! Rete klere sou Pon Ayalon!

Ni anvan sa, ni apre sa, pa janm gen yon jou tankou jou sa a lè Senyè a te fè sa yon moun te mande l fè, epi li goumen pou pèp Izrayèl la.

Senyè a di Jozye konsa: — Ou pa bezwen pè yo. M'ap lage yo tout nan men ou. Pa gen yonn ladan yo ki ka kenbe tèt avè ou.

Epi Jozye di yo: — Nou pa bezwen tranble! Nou pa bezwen pè! Mete gason sou nou! Pa janm dekouraje paske Senyè a pral fè nou mete pye nou sou kou tout lènmi n'a jwenn sou wout nou!