Vèsè popilè nan Bib la ki soti nan Jowèl 2

Pataje

Senyè a pale, li di: — Menm kounyeya, tounen vin jwenn mwen ak tout kè nou! Fè jèn, kriye kont kò nou, plenn sò nou!

Apre sa, m'a vide lespri mwen sou tout moun. Pitit gason ak pitit fi nou yo va bay mesay m'a ba yo. Granmoun nou yo va fè rèv. Jennmoun nou yo va gen vizyon.

Se pa rad sou nou pou nou chire, se kè nou menm pou nou chire pou fè wè jan nou nan lapenn. Tounen vin jwenn Senyè a, Bondye nou an. Li gen bon kè anpil, li gen pitye pou moun. Li pa fache fasil, li p'ap janm sispann renmen nou. Li toujou pare pou padonnen nou.

Lè sa a, tout moun ki va rele nan pye Senyè a va sove. Paske sou mòn Siyon ak nan lavil Jerizalèm va gen moun ki va chape, jan Senyè a te di l la. Wi, tout moun Senyè a va chwazi, se yo ki va chape.

Solèy la pral vin tou nwa, lalin lan pral vin wouj kou san anvan jou Senyè a va rive. Aa! Se va yon gwo jou, yon jou k'ap fè moun tranble.