Vèsè popilè nan Bib la ki soti nan Jeremi 11

Pataje

W'a di yo men sa Senyè a, Bondye pèp Izrayèl la, di: Madichon pou tout moun ki pa kenbe kondisyon ki nan kontra a. Se kontra sa a mwen te pase ak zansèt nou yo lè mwen t'ap fè yo sòti kite peyi Lejip, peyi ki te tankou yon gwo dife nan dèyè yo. Mwen te di yo: Se pou nou koute m, se pou nou fè tou sa mwen ban nou lòd fè. Se konsa, n'a yon pèp ki rele m pa m. Mwen menm, m'a sèl Bondye nou.

Lè sa a, mwen lapriyè, mwen di: — Senyè ki gen tout pouvwa a, ou se yon jij ki pa nan patipri. Ou sonde tou sa ki nan kè ak nan lide moun. Mwen lage kòz mwen nan men ou. Fè m wè jan w'ap tire revanj ou sou yo.

Men yo pa tande, zòrèy yo bouche. Mwen te mande yo pou yo te fè tou sa mwen te ba yo lòd fè nan kontra a, men yo derefize. Se konsa mwen pini yo jan m te di yo sa nan kontra a.