Vèsè popilè nan Bib la ki soti nan Ezayi 44

Pataje

M'ap vide dlo sou tè sèk la. M'ap fè sous dlo koule nan dezè a. M'ap bay pitit nou yo pouvwa lespri mwen. M'ap voye benediksyon m sou pitit pitit nou yo.

Senyè ki wa pèp Izrayèl la, Senyè ki gen tout pouvwa a, li menm k'ap delivre pèp la, men sa li di: — Se mwen menm ki te la anvan tout bagay, Se mwen menm k'ap la apre tout bagay. Pa gen lòt bondye pase mwen menm sèl.

Mwen te fè peche nou yo disparèt devan je m tankou yon nyaj nan syèl la. Tounen vin jwenn mwen non, paske se mwen menm ki te delivre nou.

Nou pa bezwen pè, nou pa bezwen tranble. Depi lontan mwen te fè nou konn sa, mwen te di nou sa. Nou pral kanpe pale pou mwen. Eske gen lòt bondye pase mwen menm? Eske gen lòt bondye ki ka pwoteje moun? Mwen menm, mwen pa konnen l.

Men sa Senyè ki te kreye nou an, Senyè k'ap ede nou depi nan vant manman nou an, di: — Nou pa bezwen pè anyen, nou menm fanmi Jakòb, sèvitè m yo, nou menm pèp Jechouwoun mwen te chwazi pou mwen an.