Vèsè popilè nan Bib la ki soti nan Titut 2

Pataje

Mat A̱gwaza wa ka̱n tyai shok nggu ji kpa̱sai, da̱nian ji̱ ka san a̱mgba̱m á̱niet ba. A̱gwaza mami shok nggu ji tyiet zi̱t, zi̱ yok ghwon khwi nggu bah; zi̱ bu yok byia̱ a̱shushok nkyang swanta bah. Da̱ a̱kwonu a̱kya, ku myim zi̱ byia̱ a̱chuchuk a̱di̱dam, zi̱ nyia̱ tsotswat. Zi̱ khwi A̱gwaza nang zi̱ ni̱ shya̱ mi̱ swanta huni ma̱ng fwuo nyiung.

Zi̱ ya nswan fwuong a̱tsatsak mam a̱gwai a̱hwa nang zi̱ ntyia̱ fwuo a̱ni, nang Yesu Kristi a̱ yet a̱gba̱ndang A̱gwaza ma̱ng A̱tyusan nzi̱t wu na mbwuok a̱ bai ma̱ng a̱kyenkyai shi nggu wu kpa̱sai a̱ni. Nggu wa yet a̱tyu a̱ neap a̱pyia̱ nggu nang za̱nang a̱ni, da̱nian a̱ ka ti̱n zi̱t mami tyok a̱ka̱tuk nyia̱ hu. A̱ si̱ ja̱u zi̱t da̱nian zi̱ ka yet á̱niet guu nang gu nyia̱ tyok a̱ni; á̱niet ba̱ byia̱ a̱gba̱ndang di̱dang nyia̱ a̱tan nta̱m a̱ni.

Nwan ma̱ a̱pyia̱ ang, mami kuzang kyang di̱ kuzang vak a nyia̱ a̱tan ta̱m. Ku yet ta hwa a yet kidee ma̱ng tyiet ang hu. A nyia̱ tsotswat ma̱ng nwuak a̱pyia̱ ang. Ku myim a lyiat a̱tsatsak a̱lyiat nang á̱ na nwai tok ang a̱ni. Si̱ huni na tyia̱ á̱niet ba̱ nyia̱ fi̱p ma̱ng a̱nzi̱t a̱ni, ba̱ fa̱k nsum. Ba̱ bu lyin vak nang ba̱ na nfwoi nzi̱t a̱ni.