Vèsè popilè nan Bib la ki soti nan A̱romawa 14

Pataje

Mat Tyok A̱gwaza hu yet a̱lyiat tazwa kyayak nang á̱ na ya ma̱ng swuo hwa a̱ni bah. Da̱ a̱kwonu a̱kya, ku yet tsotswat nswat, swat nyinyang ma̱ng á̱ghyang, ma̱ng a̱lyia̱ sai mami A̱za̱za̱rak Ntswa. Ki̱ a nyia̱ Kristi ta̱m ma̱ng tangka̱i za̱kwa huni, a na tyia̱ A̱gwaza a̱ fa̱k nyinyang ang. A̱wot á̱ghyang á̱niet na shim kyang nang a nyia̱ a̱ni.

Ki̱ zi̱ swuan, zi̱ swuan da̱nian zi̱ ka nwuak A̱gwaza wa shi. A̱wot ki̱ zi̱ kwi, zi̱ kwi da̱nian zi̱ ka nwuak A̱gwaza wa shi. Mat a̱nia, ku zi̱ swuan wa, ku zi̱ kwi wa, zi̱ yet á̱niet A̱gwaza bya.

Mat a̱nia, ku yet ta hwa kuzang jen zi̱ kwan zi̱ nyia̱ nkyang na̱ na tyia̱ nzi̱t á̱niet khwi ba swat nyinyang ma̱ng á̱ghyang. A̱wot na̱ bu beang zi̱t zi̱ tyia̱ á̱ghyang nzi̱t, zi̱ tat á̱ghyi di̱ mun á̱pyia̱ nzi̱t ma̱ng Kristi.

Mat a̱nia, nyi yok bat á̱ghyang nyin a̱bun bah. Da̱ a̱kwonu a̱kya, nyi kwan nyi swan di̱ si̱sak nang nyi na nnwai yet jat nang a̱tyu khwi a̱ghyang na nyia̱ a̱ka̱tuk nyia̱ a̱ni.

Ma̱nang á̱ ndyuut ma̱ A̱lyiat A̱gwaza na nyia̱, “A̱gwaza tak nyia̱, ‘A̱tsak a̱lyiat, nang n shya̱ a̱chet a̱ni, konyan na kpaat a̱khwukhwut a̱zaghyi nung. A̱wot konyan bu na shim ma̱ng a̱nu nggu ka, a̱wot a̱ bu dyep A̱gwaza.’ ” A̱tsak a̱lyiat, konyan ma̱ nzi̱t na fang nkyang nang gu nyia̱ a̱ni a̱zaghyi A̱gwaza.

Á̱niet khwi ba̱ but mi̱ fwuo ku Kristi shim mba ndyo ba̱ nyia̱ nkyang njhyang a̱ni, nyi san mbaa. A̱wot nyi yok ya fwuang ma̱ng a̱mba di̱ kyang nang ba̱ dam ku yet a̱tan ku hu yet a̱ka̱tuk a̱ni bah.

Nwan wa yet a̱nyan nang a mbat a̱khwo a̱yin a̱bun? Ma̱ a̱tyoli nggu wu wa ma̱nyin nggu na bat gu a̱bun wu. Nggu wa na mak a̱ lii ka̱ a̱khwo nggu wu nyia̱ a̱tan ku a̱ nyia̱ a̱ka̱tuk. A̱wot A̱gwaza na beang nggu, gu yong di̱ sang a̱bun nggu hu.