Nĩngĩtĩ õkõ adukni Anania õlõ tĩho. Ma nĩngaata, ataadĩk athĩn cĩgĩnnĩg hĩ ꞌThaaulo nẽ ĩĩ, “ꞌGõtõna ꞌThaaulo, Makayyioohit Yeesu baa uppwannakii nganiit ꞌgõõlaa ꞌcĩ akuuni ngaati ho, ꞌcĩ ĩꞌthõõannaa nganĩĩt, hátĩ cĩnĩ nii tarĩ nẽ ũmmũda Lori ꞌcĩ Ẽllẽẽmĩthĩ.” Ma hĩdĩĩkoothong, udhukta hẽlẽggĩ ũgẽẽgĩ ꞌcĩg aattĩg hĩ hõꞌthõbõ cĩg ulugoocak hẽbẽrẽẽnnĩĩ cĩg ꞌThaaulo, nĩngĩtĩ acĩnẽẽnĩ. Ma ho, ĩtĩnga nẽẽ ꞌjieena nẽ aggamoothĩk baattithimo.