Vèsè popilè nan Bib la ki soti nan MARKA 6

Pataje

Anih nih, “Hmun kingah kal usih law, cân tlawmpal i din u sih,” tiah a ti hna. Mi tampi an lut an chuak i rawl hmanh an ei manh lo.

Jesuh nih, “Profet cu amah khua le a rualchan hna le a innah dah ti lo, thangṭhat loin a um bal lo,” tiah a ti.

Jesuh cu tilawng in a hung chuak i mibu cu tluk tam cu a hmuh hna tikah, khâltu a ngei lomi tuu bantuk an si caah a zângfah ngaingai hna i bia tampi a cawnpiak hna.

Cubangin mizaw tlawmte cung i a kut a chuan i a damter hna dah ti lo, cuka ah cun thillianngan a tuah kho lo. An zumh lo ruangah a khuaruah a har ngai. Cuticun cawnpiak pah in khuate kha a tlawng.

Cun changreu panga le nga pahnih kha a lâk i vanlei zohin thluachuah a pêk, cun changreu kha a cheu i mizapi sinah phaw dingin lamkaltu kha a pêk hna; nga pahnih zong an dihlak sinah a phawt hna. Cuticun an dihlak in khim tein an ei. Changreu le nga a hleimi an rut tikah sei hleihnih tiangin an ruh.