Vèsè popilè nan Bib la ki soti nan Aba Loma 3

Pataje

pakuti abantu bosi banangite, sona bapotwa pakufika mu buchindamu ubwa Chala. Loli pachifukwa icha chisa ichabulo icha Chala, abantu bakuneniwa bagholosu pamaso papache ukwendela mwa Kilisitu Yesu, yuyo akubapoka.

U Chala akubanena abantu pakuba bagholosu pamaso papache ukwendela mu lwitiko lwabo mwa Yesu Kilisitu. U Chala akubabomba zinizi abantu bosi babo bakumusubila u Kilisitu, pachifukwa ichakuti patalipo ukulekana nakumokumo

U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga. Loli ilelo u Chala amusala ukuti alanjizye ubugholosu bwache. Pakubomba zinizi u Chala akilanjizya mwene ukuti mugholosu, sona nukuti akubanena abantu bosi pakuba bagholosu pamaso papache, babo bakusubila mwa Yesu.

Pakuti atalipo umuntu yuyo u Chala akumunena ukuti mugholosu pamaso papache pachifukwa icha kukonka Indaghilo. Loli Indaghilo zikumupela umuntu ukuti imanye ukuti ananga.

Pakuti Amasimbo ghakuti, “Nayumo umuntu yuyo mugholosu, awe atalipo nayumoyumo. Nayumo umuntu yuyo wamahala, pamo yuyo akulonda pakumubombela u Chala. Bosi bapulumpa izila, bosi banangite nayumo umuntu yuyo akubomba inyiza, awe atalipo nayumoyumo.

Pachifukwa ichi tunganena ukuti u Chala akumunena umuntu ukuti ate ninongwa pamaso papache ukwendela mu lwitiko, loli kute pakukonka Indaghilo, awe.

Awe, napo panandi! U Chala we wanaloli, napapo umuntu wesi mumyasi. Pakuti Amasimbo ghakuti, “Umwakuti ukuba mugholosu nanti ukudumula inongwa, sona nukuti ukulongela mubwanaloli.”