Vèsè popilè nan Bib la ki soti nan Loos 3

Pataje

vim txhua tus puavleej tau ua txhaum thiab ncav tsis cuag Vajtswv tus tshwjchim. Tiamsis los ntawm Vajtswv txoj hmoovhlub uas Nws tau muab pub dawb rau neeg, Nws thiaj suav hais tias txhua tus ncajncees vim Yexus Khetos tau los txhiv sawvdaws dim lawm.

Vajtswv suav hais tias txhua tus uas los ntseeg Yexus Khetos yog neeg ncajncees. Vajtswv ua li ntawd rau txhua tus uas ntseeg Khetos, rauqhov yeej tsis muaj qhov sibtxawv

Vajtswv tau txib Yexus Khetos los tuag theej neeg lub txhoj, kom los ntawm Nws cov ntshav, neeg tej kev txhaum thiaj yuav raug zam vim lawv ntseeg Nws. Vajtswv ua li ntawd kom qhia tau hais tias Nws yog tus ncajncees. Yav tas los Nws ua siabntev thiab tsis rautxim rau cov neeg uas ua kev txhaum; tiamsis nimno Nws rautxim rau cov uas ua kev txhaum, kom qhia tau hais tias Nws yog tus ncajncees. Qhov no yog Vajtswv qhia hais tias Nws yog tus ncajncees thiab yog tus pab kom txhua tus uas ntseeg Yexus Khetos dhau tau los ua neeg ncajncees.

Rauqhov txhua tus uas ua rawsli txoj Kevcai qhia yeej tsis muaj ib tug ncajncees tabmeeg Vajtswv li; txoj kevcai ntawd tsuas qhia kom peb paub tias peb tau ua txhaum lawm no xwb.

Rawsli Vajtswv tej Lus hais tias: “Yeej tsis muaj ib tug neeg ncajncees hlo li, tsis muaj ib tug totaub lossis nrhiav Vajtswv li. Txhua tus tau tig tawm ntawm Vajtswv mus lawm; lawv txhua tus dhau mus ua neeg phem huv tibsi; yeej tsis muaj ib tug uas ua qhov zooli, txawm yog tibtug xwb los twb tsis muaj.

Yogli ntawd peb pom tias tsuas yog los ntawm txoj kev ntseeg nkaus xwb, Vajtswv thiaj suav hais tias tus neeg ntawd ncajncees, tsis yog los ntawm qhov uas nws coj rawsli txoj Kevcai qhia.

Tsis yog li ntawd! Txawm yog txhua tus dag los Vajtswv yeej tsis dag. Rawsli Vajtswv Txojlus tau hais tseg hais tias, “Thaum Koj haislus sawvdaws yeej yuav paub tias Koj hais tseeb; thaum luag taug Koj zaj, sawvdaws yeej yuav paub tias Koj tsis tau ua txhaum.”