Vèsè popilè nan Bib la ki soti nan Khiav Dim 10

Pataje

Ces tus TSWV hais rau Mauxes tias, “Koj ciali mus cuag Falaus. Kuv tau ua rau Falaus thiab nws cov nomtswv kom muaj lub siab tawv, Kuv thiaj tau ua tej txujci tseemceeb no rau lawv pom thiab nej thiaj yuav tau piav rau nej tej menyuam thiab tej xeebleej xeebntxwv mloog hais tias thaum Kuv ua Kuv tej txujci ntawd, cov neeg Iziv poob ntsejmuag npaum licas. Nej sawvdaws thiaj yuav paub tias Kuv yog tus TSWV.”

Vajtswv hais rau Mauxes tias, “Ciali tsa koj txhais tes rau saum ntuj, yuav tsausntuj nti thoobplaws lub tebchaws Iziv. Txoj kev tsausntuj no yuav tsaus thiab tuab txog qhov uas koj muaj cuabkav kov tau.” Mauxes thiaj tsa tes rau saum ntuj, ces txawm tsausntuj nti thoobplaws lub tebchaws Iziv tau peb hnub. Cov neeg Iziv ib tug ntsia tsis pom ib tug li, thiab lub sijhawm ntawd yeej tsis muaj leejtwg yuav tawm tau hauv lawv tej tsev mus rau qhovtwg li. Tiamsis thajtsam uas cov Yixalayees nyob pomkev kajnrig.

Yogli ntawd, Mauxes thiaj muab nws tus pas nrig tsa rau saum lub tebchaws Iziv, ces tus TSWV txawm tso cua ntsawj sab hnubtuaj tuaj rau hauv lub tebchaws, ib hnub thiab ib hmos. Tagkis sawvntxov ces cua txawm ntsawj ib co kooj ya ua npoj ntws los. Cov kooj ntawd ya ua tsheej ntshuas los tsaws puvnkaus lub tebchaws Iziv. Zaumno yog zaum uas kooj txomfav coob tshajplaws li uas txeev pom los lossis yuav tsis pom ib zaug ntxiv li lawm.