Vèsè popilè nan Bib la ki soti nan Klei Mphŭn Dơ̆ng 27

Pataje

Akâo kơ Aê Diê brei kơ ih êa nguôm mơ̆ng adiê, leh anăn brei lăn ih jing snăk, mâo mdiê leh anăn kpiê lu. Brei lu mnuih ƀuôn sang jing dĭng buăl ih, leh anăn lu phung găp djuê buôn ti anăp ih. Brei ih jing khua kơ phung adei ih, leh anăn brei phung anak êkei amĭ ih buôn ti anăp ih. Brei hlei pô tăm pah ih jing mnuih arăng tăm pah; leh anăn brei hlei pô ngă klei jăk jĭn kơ ih mâo klei jăk jĭn.”

Y-Êsâo lač, “Amâo djŏ hĕ kyuanăn arăng bi anăn ñu Y-Yakôp? Kyuadah ñu plah hĕ leh dŏ kâo dua blư̆. Ñu mă leh klei kâo jing ayŏng khua; leh anăn nĕ ară anei, ñu mă leh mơh klei hơêč hmưi kâo.” Leh anăn ñu lač, “Ih amâo pioh hĕ sa klei hơêč hmưi kơ kâo?”

Y-Isăk ama ñu lŏ wĭt lač kơ ñu, “Nĕ anei, ih srăng dôk ti lăn amâo jing mnơ̆ng lu ôh, leh anăn ih srăng kƀah êa nguôm mơ̆ng adiê ti dlông. Ih srăng dôk hdĭp hŏng đao gưm ih, leh anăn jing dĭng buăl kơ adei ih. Ƀiădah êjai ih hiu hdĭp tinei tinăn, ih srăng bi joh hĕ knông ñu mơ̆ng kkuê ih.”

Y-Êsâo lač kơ ama ñu, “Ih mâo knŏng sa klei hơêč hmưi hĕ, Ơ ama? Hơêč hmưi brei kơ kâo msĕ mơh, Ơ ama.” Leh anăn Y-Êsâo ur leh anăn hia.