Vèsè popilè nan Bib la ki soti nan གོ༌ཟུག༌ 27

Pataje

དཀོན༌མཆོག༌གི༌ ཁྱོ༌རང༌ང༌ ནམ༌ཁའེ༌ ཆུ༌ སལ༌ཏེ༌ ཁྱོ༌རང༌ངི༌ ཞིང༌ང༌ སྟོན༌ཐོག༌ གྱལ༌ལ༌ སྨིན༌ཤིག༌། ཁྱོ༌རང༌ང༌ གྲུ༌ དང༌ རྒུན༌ཆང༌ མ༌ མང༌པོ༌ སལ༌ཤིག༌། གྱལ༌ཁམས༌གུན༌ནི༌ ཁྱོ༌རང༌ང༌ ཞབས༌ཏོག༌ ཞུ༌ཅུག༌ག༌ ཛད༌ཤིག༌ ཡང༌ མི༌གུན༌ནི༌ ཁྱོ༌རང༌ང༌ ཀུས༌པ༌ ཅོ༌ཅུག༌ག༌ ཛད༌ཤིག༌། ཁྱོ༌རང༌ ཁྱོ༌རང༌ངི༌ ཨ༌ཅོ༌ནོ༌གུན༌ནི༌ སྤོན༌བོ༌ གྱུར༌ཅུག༌ག༌ ཛད༌ཤིག༌། ཁྱོ༌རང༌ངི༌ ཨ༌མའེ༌ བུ༌ཚ༌གུན༌ལ༌ ཁྱོ༌རང༌ངི༌ དུན༌ལ༌ གོ༌ སྒུ༌ཅུག༌ག༌ ཛད༌ཤིག༌ ཁྱོ༌རང༌ང༌ ངན༌ ཏབ༌ཁན༌གུན༌ལ༌ ངན༌ ཕོག༌ཤིག༌། ཡང༌ ཁྱོ༌རང༌ང༌ ཅིན༌ལབས༌ ཏང༌ཁན༌གུན༌ལ༌ ཅིན༌ལབས༌ ཐོབ༌ཤིག༌།”

ཨི༌སུ༌ ཟེརས༌, “ཁོའེ༌ མིང༌ང༌ ཡ༌ཀོབ༌ ཤེས༌ཏེ༌ ཏགས༌ཏེ༌ ཨིན༌ནོག༌ ཅིའ༌ཟེར༌ན༌ ཁོའེ༌ ལན༌ ཉིས༌ ངའ༌ གོབ༌སྐོརས༌། གོ༌མ༌ ངའེ༌ གོས༌ སྐྱེས༌སི༌ ཐོབ༌ཏང༌ ཡང༌ དག༌ས༌ ཉེ༌རང༌ངི༌ ངའ༌ སལ༌ཅེས༌ཅན༌ནི༌ ཅིན༌ལབས༌པོ༌, ཅི༌ ཉེ༌རང༌ངི༌ ངའེ༌ ཕིའ༌ ཅིན༌ལབས༌ ཉུ༌ངུན༌ཞིག༌གའང༌ སྲིས༌ཏེ༌ མ༌བོར༌པིན༌ན༌?”

ཏེ༌ནེ༌ ཁོའེ༌ ཨ༌བ༌ ཨི༌སཱག༌གི༌ ཟེརས༌, “ཁྱོ༌རང༌ ཚུག༌སའེ༌ ནས༌སའེ༌ ས༌ ཞིང༌ བད༌ཅེས༌ལ༌ སྟོབས༌ཅན༌ གྱལ༌ལ༌ མི༌ཡོང༌ ཡང༌ ནམ༌ཁའ༌ནེ༌ ཆུ༌ མི༌བབས༌། ཁྱོ༌རང༌ངི༌ ར༌འི༌ ཀོལ༌ཏེ༌ མི༌ཚེ༌ ཕུད༌ཨིན༌, ཡང༌ ཁྱོ༌རང༌ངི༌ ཁྱོ༌རང༌ངི༌ ནོའེ༌ ཞབས༌ཏོག༌ ཞུ༌ཨིན༌། ཨིན༌ནའང༌ ཁྱོ༌རང༌ངི༌ ཁོའེ༌ གྱབ༌གལ༌ ཅོ༌ཅེས༌ ཐག༌ཅད༌ད༌ཅིག༌, ཁྱོ༌རང༌ ཁོའེ༌ ཝང༌ངི༌ ཡོག༌ག༌ མ༌དུག༌ག༌ རང༌ཝང༌ ལེན༌ཨིན༌།”

ཨི༌སུའི༌ ཁོ༌རང༌ངི༌ ཨ༌བ༌ ཟེརས༌, “ཉེ༌རང༌ང༌ ཅིན༌ལབས༌ ཅིག༌ཅིག༌ མ༌ནེ༌ མེད༌ད༌? ངའང༌ ཅིན༌ལབས༌ སལ༌ལའང༌ ཨ༌བ༌ལེ༌།” ཏེ༌ནེ༌ ཨི༌སུ༌ སྲན༌ཏྲེ༌ ངུས༌།