Vèsè popilè nan Bib la ki soti nan يّتّ سْتْي 10

Pataje

عَلَتَلَ نَشَ عَ مَسٍن مُنسَ بّ، «سِفَ قِرَوُنَ يِرٍ، بَرِ مَ ﭑ تَن نَن عَ شَشِلِ نُن عَ شَ كُنتِفِيٍ شَشِلِ رَشْرْشْ، عَلَكٌ ﭑ شَ ﭑ مَ تْنشُمَ مَكَابَشِيٍ مَسٍن عٍ بّ. ﭑ فبَلٌي نَشَن دْشْمَ مِسِرَكَيٍ مَ، وٌ شَ نَ قَلَ وٌ شَ دِيٍ نُن وٌ شَ مَمَدِيٍ بّ، عَلَكٌ وٌ شَ عَ كٌلٌن، ﭑ تَن نَن عَلَتَلَ رَ.»

نَ تّمُي عَلَتَلَ نَشَ عَ قَلَ مُنسَ بّ، «عِ بّلّشّ عِتَلَ كٌورٍ مَ، دِ مِ بِنيٍ شَ سِن مِسِرَ بْشِ مَ.» مُنسَ تٌ نَ رَبَ، دِ مِ بِنيٍ نَشَ سِن مِسِرَ بْشِ بِرِن مَ. شِ سَشَن بُن مَ مِشِ مُ نْ عَ بٌورٍ تٌدٍ، مِشِ مُ نْ كٍلِدٍ عَ شْنيِ. كْنْ عِسِرَيِلَكَيٍ نُ سَبَتِشِ دّننَشّ، مّننِ تَن عِيَلَنشِ.

مُنسَ نَشَ عَ شَ يِسُشُوُرِ عِتَلَ مِسِرَ بْشِ شُن مَ، عَلَتَلَ قَ قٌيٍ رَ مِنِ يَنيِ نُن كْي كٍرٍن كُي كٍلِقٍ سٌفٍتٍدٍ. نَ كُيٍ عِبَ، نَ قٌيٍ نُ بَرَ قَ كَتٌييٍ رَ، نَشٍيٍ دِن مِسِرَ بْشِ بِرِن نَ. كَتٌييٍ فبٍفبٍ نَشَ لُ مِسِرَ يِرٍ بِرِن. هَن يَ نَ قٍ مَنِيّ مُ تٌشِ، عَ مَن مُ تٌمَ سْنْن.