Vèsè popilè nan Bib la ki soti nan Awatokua 1

Pataje

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Jésus akiri tënë na ala: “So ayeke tënë ti ala pepe ti hinga ngoi ni na ndembe ni. Biani, Babâ oko laa aleke na be ti lo na lege ti komandema ti lo.

Mbeni lâ, so lo na ala ayeke te kobe, lo mu yanga na ala, lo tene: “Ala ngba na Jérusalem, ala ku ye so Babâ amu zendo ni si mbi nga, mbi tene tënë ni lani na ala so. Jean abatize azo na ngu, me na ya ti akete lango, fade Nzapa ayeke batize ala na Yingo-Vuru.”

Na peko ti kuâ ti lo, lo fa tere ti lo na ala na alege nde nde si lo fa na ala biani so lo yeke na fini. Na ya ti lango baleosio, lo si na ala si lo fa na ala tënë na ndö ti *Kodro-gbia ti Nzapa.

Na peko ti tënë so, lo londo ti gue na yayu, ala ngba ti baa peko ti lo, me mbeni mbinda ahonde lo na le ti ala.

So ala ngba ti baa ndo na nduzu na peko ti lo, ambeni koli use so ayu vuru bongo, aga aluti nduru na tere ti ala. Akoli ni atene na ala: “Ala azo ti Galile, ala ngba ti luti na ndo so ti baa ndo na nduzu ngbanga ti nyen? Jésus so a mu lo na popo ti ala ague na lo na yayu so, fade lo yeke kiri gi tongana ti so ala baa lo na guengo ni na yayu.”