Vèsè popilè nan Bib la ki soti nan Ezipt yiib kibare 7

Pataje

Soaala-Wẽnd leoka a Moyiiz: «Ade, m na n kõ-f-la Wẽnd tõog, Ezipt dĩma taoore la f kẽem, a Aarõ, n na n yɩ f no-rɛɛsa.

M na n kɩtame tɩ dĩma yɩ zãgsda tɩ m maan bõn-bãna la yɛl-soalma ka tɛk, Ezipt tẽnga. M miime tɩ Ezipt naaba ka na n sak n kelg-y ye la m na maan Ezipt pãnga n yiis m buudã ne a tãb-biisã la na n yɩɩ pakre tɩ m sɩbg Ezipt rãmb wʋsgo.

Na n yɩɩ tɩlɛ ne Ezipt rãmba fãa tɩ b reeg tɩ maam la Soaala-Wẽnde, tɩ m na n zẽka m nug n sɩbg-ba n paam n yiis Israyɛl kamb b tẽngẽ.»

Naaba me boola neb sẽn tar yam zulunga, a bagba la a tɩt rãmba. Bãmb me tõogame n maan bõn-bãnd kãnga. Ned kam fãa loba a dasaare tɩ dasaar fãa tedg n legb wag-bãnde la a Aarõ dasaara vel-b-la zãnga.

Ad-m sẽn yet-fo: ges bũmb ning sẽn na n wilg tɩ maam la Soaala-Wẽnde: m na n dɩka dasaarã m sẽn zãadã n wẽ kʋɩlga koom la a na n lebga zɩɩm.

«Dĩma sã n yeel-y tɩ y maan bõn-bãnde, bɩ f yeel a Aarõ t'a rɩk a dasaarã n lob a taoore t'a na lebg wag-bãnde.» A Moyiiz ne a Aarõ kẽnga dĩma taoore la b maana wala b sẽn da yeel-bã. A Aarõ loba a dasaarã dĩma taoore, a neba taoore, la dasaara lebga wag-bãnde.