Vèsè popilè nan Bib la ki soti nan Colosas 1

Pataje

Igpaluwà kid ka Manama tikud tun ta pagpangulu katô kangittángngan, asta igalin ki ka Manama tun ta pagpangulu katô Batà din na ágginawaan din.

su ukit ki Cristo igimu ka Manama tô langun-langun, agad tun ta langit asta nit banuwa, agad tô ágkitanán asta tô dì ágkitanán, agad ándin tô mga duwán katulusan asta tô ágpangulu ó tô ágharì. Sikandin tô tuu mallayat ka tandingán katô langun, su igimu katô Manama tô langun ukit kandin asta para kandin.

Tô ándà pa imuwi tô agad ándin, taganà duwán dán sikandin, asta ukit kandin, madigár tô katagù asta tô kapasábbadé katô langun.

Ukit ki Cristo ikitaan ta tô Manama na dì ágkitanán. Si Cristo tô tuu mallayat ka tandingán katô langun-langun na igimu ka Manama

Purisu tô ikasóddór ké kani tingód ákniyu, inalayun ké ágdasal tingód ákniyu. Inalayun ké ágpédu-édu katô Manama na makasóddór kó katô langun ka kakalyag din na lumun yu. Ágdasal ké na tanggapán yu tô kapandayan asta tô kénagpáttan na ágbággén katô Ugis Espiritu ébô makatuman kó katô kakalyag katô Áglangngagán, asta ébô kadayawan gó sikandin tingód ákniyu. Ágdasal ké na manayun kó lumumu ka madigár, asta kadugangan gó tô isóddóran yu tingód ka Manama.