Vèsè popilè nan Bib la ki soti nan Yoani 17

Pataje

Ishiwi lyobe e cishinka cine. Kanshi balule ku cishinka cobe pakuti baituule onse kuli iwe babe bobe.

Nomba umweo wa pe waba mukukwishiba iwe wine, Lesa wine wine uwaba eka, no kwishiba Yesu Kristu uo watuma.

“Teaba bene beka ebo ndepepelako, lelo ndepepelako na bonse abo abakasumina muli ine pakumfwa amashiwi yabo. Tata, cawama bonse babafye umo. Filya waba muli ine, na ine naba muli iwe, efyo nabo babe muli ifwe. Epakuti na bantu ba pano calo bakasumine ukuti niwe wantuma.

Nshilelomba ukuti ubafumye pano isonde iyoo. Lelo ndelombafye ukuti ulebacingililako ku mubi.

Nalibapeelako ubucindami ubo wampeele, pakuti nabo babe umo ngefi twaba umo. Ine mbe muli bena, elyo na iwe muli ine. Lyena bakabafye umutima umo umupwilapo. Epakuti na bantu ba pano calo bakeshibe ukuti niwe wantuma. Kabili bakeshibe nokuti walibatemwa nga filya fine wantemwa.