Vèsè popilè nan Bib la ki soti nan Deuteronomio 7

Pataje

Hunahunaon ninyo nga ang GINOO nga inyo Dios amo lang ang Dios. Masaligan siya nga Dios, kag ginatuman niya ang iya kasugtanan nga amo ang paghigugma sa madamo nga kaliwat nga nagahigugma sa iya kag nagatuman sang iya mga sugo.

Kay kamo nga katawhan ginseparar para sa GINOO nga inyo Dios. Sa tanan nga katawhan, kamo ang ginpili sang GINOO nga inyo Dios nga mangin iya espesyal nga katawhan.

Ginpili niya kamo tungod kay ginahigugma niya kamo kag ginatuman niya ang iya ginsumpa sa inyo mga katigulangan. Amo gani nga ginpaguwa niya kamo sa Egypt paagi sa iya puwerte nga gahom, kag ginhilway sa pagkaulipon sa Faraon nga hari sang Egypt.

“Ginpili kamo kag ginhigugma sang GINOO indi tungod nga mas madamo kamo sang sa iban nga mga katawhan, kay kamo pa gani ang pinakadiutay sa tanan.

Pakamaayuhon niya kamo labaw sa iban nga mga katawhan. Wala sing lalaki sa inyo nga mabaog ukon babayi nga mabaw-as, kag amo man sa inyo mga kasapatan.