Vèsè popilè nan Bib la ki soti nan 1 Samuel 1

Pataje

Nagpanumpa si Hana sa GINOO nga nagasiling, “O GINOO nga Makagagahom, tan-awa ang akon pag-antos. Dumduma ako nga imo suluguon kag indi gid ako pagkalimti. Kon hatagan mo ako sang anak nga lalaki, ihatag ko siya sa imo para mag-alagad siya sa imo sa bilog niya nga kabuhi. Kag bilang tanda sang iya bug-os nga pag-alagad sa imo, indi pagguntingan ang iya buhok.”

Isa sadto ka tion, pagkatapos nila kaon didto sa balay sang GINOO sa Shilo, nagtindog si Hana kag nagpangamuyo nga nagahilibion, kay puwerte gid ang kalisod nga iya nabatyagan. Nagapungko sadto ang pari nga si Eli malapit sa puwertahan sang balay sang GINOO.

Nagsabat si Hana, “Indi ako hubog, sir, kag wala ako makainom sang bisan ano nga klase sang ilimnon. Ginapautwas ko lang sa GINOO ang puwerte nga kalisod nga akon ginabatyag.

Ginpangayo ko ini nga bata sa GINOO kag ginhatag niya ang akon ginpangayo.

Nagsabat si Eli, “Lakat, kag indi ka na magpalibog. Kag kabay pa nga ang Dios sang Israel magahatag sang imo ginapangayo sa iya.”