<div class="version vid799 iso6393yaq" data-vid="799" data-iso6393="yaq">
   <div class="book bkACT">
      <div class="chapter ch1" data-usfm="ACT.1">
         <div class="label">1</div><div class="s"><span class="heading">Ju'u Jesus, jume' a' sualemmeu, Liojta tu'u jiapsi amet a' na'ikiatune'po betana nooka</span></div><div class="p"><span class="content">  </span><span class="verse v1" data-usfm="ACT.1.1"><span class="label">1</span><span class="content">Tua in nake'u Teopilo' teame, jum che'a bat weyeka ji'osiata in eu ji'ojteipo, Jesukrijtota betana si'imeta, bat naataka naateka, intok aapo'ik, teeka betana jikau a' mabetwa'po tajtia, si'imeta juka' aapo'ik yaaka intok juka' yee a' majtasuka'uta betana ne eu ji'ojtek. </span></span><span class="verse v2" data-usfm="ACT.1.2"><span class="label">2</span><span class="content">Aapo junak kee teekau nottekai, jume' yeu a' pu'arim, aapo, Liojta tu'u jiapsie aniawaka, bem joonee'ut am tejwaak. </span></span><span class="verse v3" data-usfm="ACT.1.3"><span class="label">3</span><span class="content">Chukula, aapo me'etuka, jiabijtesukai, aapo ju'u Jesus jiapsaka ameu au yeu machiak. Intok chukula, aapo junuen junama'a woi taka taewaimmeu tajtia ameu au yeu mamachiakai. Junuen tua lutu'uriapo a' jiapsa'uta bempo'im a' ju'uneiyaatuakai. Intok ket aapo, achai Liojta yo'o nesaweka a' kateka'u betana juka' lutu'uriata ameu a' teuwaakai.</span></span></div><div class="p"><span class="verse v3" data-usfm="ACT.1.3"><span class="content">  </span></span><span class="verse v4" data-usfm="ACT.1.4"><span class="label">4</span><span class="content">Intok aapo ketuni amemak anekai, jum bwe'u jo'ara Jerusalen tea'po kaakun am katnee'po betana am tejwaak. Inimmeu aapo:</span></span></div><div class="p"><span class="verse v4" data-usfm="ACT.1.4"><span class="content">&#8213;Inim eme'e bo'o bitne, achai Liojta betana waka'a emou a' chupne'eti jiaka a' teuwaarita, jiba in emou a' teuwaaka'a benasia. </span></span><span class="verse v5" data-usfm="ACT.1.5"><span class="label">5</span><span class="content">Bwe'ituk ju'u Joan, yee babatoowame ba'ammea yee babatoowak. Taa ka juebena taewaim sikaa, inepone, Liojta betana, juka' a' tu'u jiapsita ne emou a' bittuane &#8213;ti ameu jiiak.</span></span></div><div class="s"><span class="heading">Juka' Jesujta teekau jikau sika'apo</span></div><div class="p"><span class="verse v5" data-usfm="ACT.1.5"><span class="content">  </span></span><span class="verse v6" data-usfm="ACT.1.6"><span class="label">6</span><span class="content">Junak bempo Jesujtamak si'ime nau anekai, aapo'iku nattemaek:</span></span></div><div class="p"><span class="verse v6" data-usfm="ACT.1.6"><span class="content">&#8213;Itom yo'owa, jaisa jiba i'an junen empo inim itom jume' juriom, romaano ya'uraata betana su'u tojiwaka, juchi inim itom nesaunee'ut iniat itom aniaka itom a' tu'uteriane, ja'ani &#8213;ti jiakai.</span></span></div><div class="p"><span class="verse v6" data-usfm="ACT.1.6"><span class="content">  </span></span><span class="verse v7" data-usfm="ACT.1.7"><span class="label">7</span><span class="content">Aapo intok inimmeu:</span></span></div><div class="p"><span class="verse v7" data-usfm="ACT.1.7"><span class="content">&#8213;Eme'e, jakwoo, oo jita ta'apo juka' in yo'owa Liojta, aapo'ik jiba au lutu'uriaka a' ya'anee'uta, junae betana enchim a' ju'uneiyaanee'uta ka emou lutu'uria &#8213;ti ameu jiiak&#8213;. </span></span><span class="verse v8" data-usfm="ACT.1.8"><span class="label">8</span><span class="content">Taaeme'e chukula, juka' Liojta tu'u jiapsita mabetsukai, eme'e inim si'imekuu yuma'anee intok ka jain eaka, yeu sajaka nee betana weyeka, juka' nok lutu'uriata inim bwe'u jo'ara Jerusalen tea'po intok bwiaraa Jurea' tea'po intok ket jumun bwiaraa Samaaria' tea'po, intok kia inim bwiapo, che'a mekka bicha tajti eme'e a' teuwaane &#8213;ti ameu jiiak.</span></span></div><div class="p"><span class="verse v8" data-usfm="ACT.1.8"><span class="content">  </span></span><span class="verse v9" data-usfm="ACT.1.9"><span class="label">9</span><span class="content">Inika'a aapo teuwaasukai, bempo'im ketun a' bitchuu su, ju'u Jesus junama'a yeeu, teekau jikau siika intok aapo junaman namupo kaabetuk. Inime'e intok ka intok inim a' bichak. </span></span><span class="verse v10" data-usfm="ACT.1.10"><span class="label">10</span><span class="content">Bempo'im junuen juka' Jesujta a' simeo, aman teekau a' bitchuu su, junama'a o'owim woika, tojsassaalaik atteaka bempo'im naapo yeu machiak. </span></span><span class="verse v11" data-usfm="ACT.1.11"><span class="label">11</span><span class="content">Inime'e intok bempo'immeu:</span></span></div><div class="p"><span class="verse v11" data-usfm="ACT.1.11"><span class="content">&#8213;Eme'e, bwiaraa Kalilea' tea'po joomem, ka intok teekau jikau a' bitchune. Jiba ini'i Jesus, inim emo tana, teekau jikau sikame, aapo jiba inien, junuen a' sika enchim a' bichaka'a benasia juchi nottine &#8213;ti ameu jiiak.</span></span></div><div class="s"><span class="heading">Ju'u Matiaj teame yeu pu'awak, Jurajtuka'uta ane'epo tawane' betchi'bo</span></div><div class="p"><span class="verse v11" data-usfm="ACT.1.11"><span class="content">  </span></span><span class="verse v12" data-usfm="ACT.1.12"><span class="label">12</span><span class="content">Junak inime'e junama'a Oliibo kawi' tea'a betana yeu sajaka intok bwe'u jo'ara Jerusalen tea'u nottek. Juna'abo aman ka mekkaa, jumak wepul kiloometro tukan jiba. </span></span><span class="verse v13" data-usfm="ACT.1.13"><span class="label">13</span><span class="content">Junak bempo jum Jerusalen tea'u yajakai, junama'a kari bem ama joka'apo, junama'a karita bepa juchi senu bepaata ya'ariu jikau ja'amuk. Inime' nasuk, inen teakame ama aanen: ju'u Peeo' teame, ju'u Jakoobo, ju'u Joan, ju'u Anteej teame, ju'u Jeriipe, ju'u Toomas, ju'u Baatolomee' teame, ju'u Mateeo, ju'u senu Jakoobo, ini'i senu Alpeo' teamta yoemia, ju'u Simoo, ini'i jume' kananijtam ti emo teuwaammak ea'u, intok ju'u Juuras, juka' Jakoobo' teamta mak weri. </span></span><span class="verse v14" data-usfm="ACT.1.14"><span class="label">14</span><span class="content">Inime'e si'ime jiba wee'po, nau eaka, jume' Jesujta mak werimmak intok juka' a' aewata Maria' teamta mak, intok junama'a jume' waate jaamuchimmake emo nau totojan junuen Liojta yo'oreka intok au bicha yee nokria betchi'bo.</span></span></div><div class="p"><span class="verse v14" data-usfm="ACT.1.14"><span class="content">  </span></span><span class="verse v15" data-usfm="ACT.1.15"><span class="label">15</span><span class="content">Juname'e taewaimmet ju'u Peeo, junama'a jume' Krijtota nau sualeme nasuk kiktek. Inime'e jumak si'ime nau, busan taka tukan. Aapo intok inimmeu:</span></span></div><div class="p"><span class="verse v15" data-usfm="ACT.1.15"><span class="content">  </span></span><span class="verse v16" data-usfm="ACT.1.16"><span class="label">16</span><span class="content">&#8213;Krijtopo nemak werim, utte'atukan, wa'a, jum Liojta betana ji'osia ji'ojteimpo, bat naataka jaibu Labiituka'uta, Liojta tu'u jiapsie noktuawaka junuen Jurajtuka'uta betana, ju'u, jume' Jesujta bwiseka a' nuk sajakame am tejwaakamta betana a' teuwaaka'uta junuen a' chupne'po &#8213;ti ameu jiiak&#8213;. </span></span><span class="verse v17" data-usfm="ACT.1.17"><span class="label">17</span><span class="content">Bwe'ituk ju'u Juurajtuka'u itomak na'ikiatukan intok ketchia aapo, jiba ito benasi itom tekil jooan. </span></span><span class="verse v18" data-usfm="ACT.1.18"><span class="label">18</span><span class="content">Taa juna'a, sikaa, intok ju'u tomie, ka tu'ik ya'arika a' makwaka'ue, waj bwiata jinuk. Chukula intok aapo, jikat betana kobae ko'om wecheka intok toma pejteka, intok a' tompo ayukame si'ime yeu wattek. </span></span><span class="verse v19" data-usfm="ACT.1.19"><span class="label">19</span><span class="content">Chukula, jume'e, bwe'u jo'ara Jerusalen tea'po jiapsame junae betana a' ju'uneiyaaka, bempo, junaka'a waj bwiata, Akellamak ti a' teatuak. Ini'i nooki, bem nokpo, Waj bwia ojboe beje'etuari, ti jiubae. </span></span><span class="verse v20" data-usfm="ACT.1.20"><span class="label">20</span><span class="content">Bwe'ituk jum ji'osia ji'ojteim, Salmom tea'po:</span></span></div><div class="q"><span class="verse v20" data-usfm="ACT.1.20"><span class="content">Ju'u a' kariwa jimmaatunee</span></span></div><div class="q"><span class="verse v20" data-usfm="ACT.1.20"><span class="content">intok kaabe ama jo'ane,</span></span></div><div class="m"><span class="verse v20" data-usfm="ACT.1.20"><span class="content">ti jiia. Intok ketchia jiba junama'a ji'ojteimpo:</span></span></div><div class="q"><span class="verse v20" data-usfm="ACT.1.20"><span class="content">Ta'abwika, tekil a' joa'uu tawane,</span></span></div><div class="m"><span class="verse v20" data-usfm="ACT.1.20"><span class="content">ti ji'ojtei.</span></span></div><div class="p"><span class="verse v20" data-usfm="ACT.1.20"><span class="content">  </span></span><span class="verse v21,22" data-usfm="ACT.1.21+ACT.1.22"><span class="label">21,22</span><span class="content">&#8217;Inim ito nasuk wate aane, inime'e, juka' yo'owe Jesukrijtota inim itomak a' aneka'po tajtia, bat junak ju'u Joan tuka'uta betana a' bato'owaawaka'po naateka, chukula aapo'ik teekau a' notteka'po tajtia, jiba ta'apo itomak aneme. Inien san i'an junuen, inime betana seenuk, juka' yo'owe Jesukrijtota, kokkoarim nasuk a' jiabijteka'po itomak a' teuwaaneemta, inime'e betana itom yeu a' pu'anee'uta utte'a.</span></span></div><div class="p"><span class="verse v21,22" data-usfm="ACT.1.21+ACT.1.22"><span class="content">  </span></span><span class="verse v23" data-usfm="ACT.1.23"><span class="label">23</span><span class="content">Junama'a ame betana senuk amemak tawaane' betchi'bo, woika yeu pu'awak. Ju'u seenu, Jose Barsabaj teame, ket Jujto'oti teuwaawame. Intok seenu, Matiaj ti teakai. </span></span><span class="verse v24" data-usfm="ACT.1.24"><span class="label">24</span><span class="content">Intok chukula bempo Liojtau bicha am nokriak:</span></span></div><div class="p"><span class="verse v24" data-usfm="ACT.1.24"><span class="content">&#8213;Achai Lios, empo junen inim si'imem jiapsi ta'aame, inime'e woim betana jabeta em yeu pu'aariaka'uta itom yeu a' pu'ane' betchi'bo itom ania &#8213;ti jiakai&#8213;. </span></span><span class="verse v25" data-usfm="ACT.1.25"><span class="label">25</span><span class="content">Junuen aapo'ik, jume' Krijtota betana yeu pu'arim, tekilta bem joa'uta, jiba juka' Juraj tuka'uta, ka tu'ik ya'arika junuen a' tawa'ea'uta junuen au chupuka a' ta'aruka'uta, inika'a a' joone' betchi'bo.</span></span></div><div class="p"><span class="verse v25" data-usfm="ACT.1.25"><span class="content">  </span></span><span class="verse v26" data-usfm="ACT.1.26"><span class="label">26</span><span class="content">Junako bempo junammet ju'unee betchi'bo, jitae amet nau yeewekame benasi aayuk. Intok junak junuen inim ju'u Matiaj teame ama teuwaatuk. Junama naateka ini'i, aapo, waate jume' woj mamni ama wepu'ulaika jume' Krijtota yeu pu'arimmak na'ikiatuk.</span></span></div>
      </div>
   </div>
</div>

Tua in nake'u Teopilo' teame, jum che'a bat weyeka ji'osiata in eu ji'ojteipo, Jesukrijtota betana si'imeta, bat naataka naateka, intok aapo'ik, teeka betana jikau a' mabetwa'po tajtia, si'imeta juka' aapo'ik yaaka intok juka' yee a' majtasuka'uta betana ne eu ji'ojtek. Aapo junak kee teekau nottekai, jume' yeu a' pu'arim, aapo, Liojta tu'u jiapsie aniawaka, bem joonee'ut am tejwaak. Chukula, aapo me'etuka, jiabijtesukai, aapo ju'u Jesus jiapsaka ameu au yeu machiak. Intok chukula, aapo junuen junama'a woi taka taewaimmeu tajtia ameu au yeu mamachiakai. Junuen tua lutu'uriapo a' jiapsa'uta bempo'im a' ju'uneiyaatuakai. Intok ket aapo, achai Liojta yo'o nesaweka a' kateka'u betana juka' lutu'uriata ameu a' teuwaakai.
Intok aapo ketuni amemak anekai, jum bwe'u jo'ara Jerusalen tea'po kaakun am katnee'po betana am tejwaak. Inimmeu aapo:
―Inim eme'e bo'o bitne, achai Liojta betana waka'a emou a' chupne'eti jiaka a' teuwaarita, jiba in emou a' teuwaaka'a benasia. Bwe'ituk ju'u Joan, yee babatoowame ba'ammea yee babatoowak. Taa ka juebena taewaim sikaa, inepone, Liojta betana, juka' a' tu'u jiapsita ne emou a' bittuane ―ti ameu jiiak.

Junak bempo Jesujtamak si'ime nau anekai, aapo'iku nattemaek:
―Itom yo'owa, jaisa jiba i'an junen empo inim itom jume' juriom, romaano ya'uraata betana su'u tojiwaka, juchi inim itom nesaunee'ut iniat itom aniaka itom a' tu'uteriane, ja'ani ―ti jiakai.
Aapo intok inimmeu:
―Eme'e, jakwoo, oo jita ta'apo juka' in yo'owa Liojta, aapo'ik jiba au lutu'uriaka a' ya'anee'uta, junae betana enchim a' ju'uneiyaanee'uta ka emou lutu'uria ―ti ameu jiiak―. Taaeme'e chukula, juka' Liojta tu'u jiapsita mabetsukai, eme'e inim si'imekuu yuma'anee intok ka jain eaka, yeu sajaka nee betana weyeka, juka' nok lutu'uriata inim bwe'u jo'ara Jerusalen tea'po intok bwiaraa Jurea' tea'po intok ket jumun bwiaraa Samaaria' tea'po, intok kia inim bwiapo, che'a mekka bicha tajti eme'e a' teuwaane ―ti ameu jiiak.
Inika'a aapo teuwaasukai, bempo'im ketun a' bitchuu su, ju'u Jesus junama'a yeeu, teekau jikau siika intok aapo junaman namupo kaabetuk. Inime'e intok ka intok inim a' bichak. Bempo'im junuen juka' Jesujta a' simeo, aman teekau a' bitchuu su, junama'a o'owim woika, tojsassaalaik atteaka bempo'im naapo yeu machiak. Inime'e intok bempo'immeu:
―Eme'e, bwiaraa Kalilea' tea'po joomem, ka intok teekau jikau a' bitchune. Jiba ini'i Jesus, inim emo tana, teekau jikau sikame, aapo jiba inien, junuen a' sika enchim a' bichaka'a benasia juchi nottine ―ti ameu jiiak.

Junak inime'e junama'a Oliibo kawi' tea'a betana yeu sajaka intok bwe'u jo'ara Jerusalen tea'u nottek. Juna'abo aman ka mekkaa, jumak wepul kiloometro tukan jiba. Junak bempo jum Jerusalen tea'u yajakai, junama'a kari bem ama joka'apo, junama'a karita bepa juchi senu bepaata ya'ariu jikau ja'amuk. Inime' nasuk, inen teakame ama aanen: ju'u Peeo' teame, ju'u Jakoobo, ju'u Joan, ju'u Anteej teame, ju'u Jeriipe, ju'u Toomas, ju'u Baatolomee' teame, ju'u Mateeo, ju'u senu Jakoobo, ini'i senu Alpeo' teamta yoemia, ju'u Simoo, ini'i jume' kananijtam ti emo teuwaammak ea'u, intok ju'u Juuras, juka' Jakoobo' teamta mak weri. Inime'e si'ime jiba wee'po, nau eaka, jume' Jesujta mak werimmak intok juka' a' aewata Maria' teamta mak, intok junama'a jume' waate jaamuchimmake emo nau totojan junuen Liojta yo'oreka intok au bicha yee nokria betchi'bo.
Juname'e taewaimmet ju'u Peeo, junama'a jume' Krijtota nau sualeme nasuk kiktek. Inime'e jumak si'ime nau, busan taka tukan. Aapo intok inimmeu:
―Krijtopo nemak werim, utte'atukan, wa'a, jum Liojta betana ji'osia ji'ojteimpo, bat naataka jaibu Labiituka'uta, Liojta tu'u jiapsie noktuawaka junuen Jurajtuka'uta betana, ju'u, jume' Jesujta bwiseka a' nuk sajakame am tejwaakamta betana a' teuwaaka'uta junuen a' chupne'po ―ti ameu jiiak―. Bwe'ituk ju'u Juurajtuka'u itomak na'ikiatukan intok ketchia aapo, jiba ito benasi itom tekil jooan. Taa juna'a, sikaa, intok ju'u tomie, ka tu'ik ya'arika a' makwaka'ue, waj bwiata jinuk. Chukula intok aapo, jikat betana kobae ko'om wecheka intok toma pejteka, intok a' tompo ayukame si'ime yeu wattek. Chukula, jume'e, bwe'u jo'ara Jerusalen tea'po jiapsame junae betana a' ju'uneiyaaka, bempo, junaka'a waj bwiata, Akellamak ti a' teatuak. Ini'i nooki, bem nokpo, Waj bwia ojboe beje'etuari, ti jiubae. Bwe'ituk jum ji'osia ji'ojteim, Salmom tea'po:
Ju'u a' kariwa jimmaatunee
intok kaabe ama jo'ane,
ti jiia. Intok ketchia jiba junama'a ji'ojteimpo:
Ta'abwika, tekil a' joa'uu tawane,
ti ji'ojtei.
’Inim ito nasuk wate aane, inime'e, juka' yo'owe Jesukrijtota inim itomak a' aneka'po tajtia, bat junak ju'u Joan tuka'uta betana a' bato'owaawaka'po naateka, chukula aapo'ik teekau a' notteka'po tajtia, jiba ta'apo itomak aneme. Inien san i'an junuen, inime betana seenuk, juka' yo'owe Jesukrijtota, kokkoarim nasuk a' jiabijteka'po itomak a' teuwaaneemta, inime'e betana itom yeu a' pu'anee'uta utte'a.
Junama'a ame betana senuk amemak tawaane' betchi'bo, woika yeu pu'awak. Ju'u seenu, Jose Barsabaj teame, ket Jujto'oti teuwaawame. Intok seenu, Matiaj ti teakai. Intok chukula bempo Liojtau bicha am nokriak:
―Achai Lios, empo junen inim si'imem jiapsi ta'aame, inime'e woim betana jabeta em yeu pu'aariaka'uta itom yeu a' pu'ane' betchi'bo itom ania ―ti jiakai―. Junuen aapo'ik, jume' Krijtota betana yeu pu'arim, tekilta bem joa'uta, jiba juka' Juraj tuka'uta, ka tu'ik ya'arika junuen a' tawa'ea'uta junuen au chupuka a' ta'aruka'uta, inika'a a' joone' betchi'bo.
Junako bempo junammet ju'unee betchi'bo, jitae amet nau yeewekame benasi aayuk. Intok junak junuen inim ju'u Matiaj teame ama teuwaatuk. Junama naateka ini'i, aapo, waate jume' woj mamni ama wepu'ulaika jume' Krijtota yeu pu'arimmak na'ikiatuk.

Koute KRIJTOTA YEU PU'ARIM YA'ARI 1