If you would like a copy of this version please contact info@davaraudiobibles.org

Biblia Toba Qom, La&#39;aqtaqa Ñim Lo&#39;onatac &#39;Enauacna © 2013, Sociedad Bíblica Argentina. (Text)
Toba Audio Bible ℗ 2025, Davar Partners International. (Audio)

Biblia Toba Qom 2013

<div class="version vid574 iso6393tob" data-vid="574" data-iso6393="tob">
 <div class="book bkEXO">
 <div class="chapter ch13" data-usfm="EXO.13">
 <div class="label">13</div><div class="s1">Qo&#7929;anot &#209;im Nataxala' so na'auaxanec &#241;alaqpi</div><div class="p"> 1&#209;im Nataxala' 'enapega so Mois&#233;s, 'eeta':</div><div class="p"> 2&#171;A&#7929;em qa&#7929;a'a&#241;i&#7929;ot qome na la'auaxanec qa&#7929;a'alquipi, cha'aye 'enauac na la'auaxanec llalaqpi na Israel le'ecpi, namaye 'enauac &#7929;alamaxatpi, nache 'ena'am na la'auaxanec llalec na shigui&#7929;acpi&#187;.</div><div class="p"> 3Nache so Mois&#233;s 'enapega na shi&#7929;axauapi, 'eeta':</div><div class="p">&#171;Qauennachi&#7929;a'a qome ne'ena na'a'q maye huetoigui da &#209;im Nataxala' qami' iroleguete da lta'araic la'a&#241;axac da qami' nqateeguesopa ye Egipto, yem qo&#241;iita&#241;a co'ollaxa da choche qami' nlataqa. Qaq &#7929;oqo'oye nagui saishet qome da qollequi aca nauole 'ayii&#241;a maye huo'o ana lalecte maye &#7929;asheeraxachigui. 4Qami' qaunoxo&#241;iiuec ne'ena na'a'q maye huetoigui na ca'agoxoic le'enaxat Abib. 5Qaq nachena ne'ena ca'agoxoic huetoigui da qami' qauo'oche ca qayo'oxonnataxanaxaqui, qom mashe ime da qami' inoxonaqcheteua'alo ye 'alhua &#209;im Nataxala', yem 'alhua maye hua&#241;a da qaica ca qoue na nallec, yem na'alhua na Cana&#225;n le'ecpi, hitiitapi, amorreopi, heveopi qataq na jebuseopi. Nacheye yem &#7929;achaxanapeguem co'ollaxa soua hua'au' qarta'alli' da &#7929;auotaique da qarmaye. 6Qaq ivi' qome naua siete na'axa'te da qollequiitac aca nauole 'ayii&#241;a maye sa qa&#7929;auo'o ana lalecte maye &#7929;asheeraxachigui. Qaq ca pa'atec na'a'q que'ecaua na'axa'te, nache qauo'oche ca qayo'oxonnataxanaxaqui da qavio'oxoyi&#241;i &#209;im Nataxala'. 7Qaq ivittrec qome que'ecaua siete na'axa'te da qollequiitac ana nauole 'ayii&#241;a maye sa qa&#7929;auo'o aca lalecte maye &#7929;asheeraxachigui, qaq saishet qome da huo'o ca 'oonolec da qo&#241;iita da &#7929;a&#7929;amaxattac ca &#7929;asheeraxachigui na ndaq&#241;iguishec qataq aca nauole maye lalegue namaye, 'enauac na netalec que'eca 'alhua. 8Nache que'eca na'a'q qami' qome qaua'axacheetapeguem ca qa&#7929;a'alquipi, qo&#241;iita': De'era qa&#7929;o'ot nagui, nachera da qomi' 'eeteque &#209;im Nataxala' co'ollaq qolqa'ai naqa'en ye Egipto. 9Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac &#209;im Nataxala', cha'aye &#209;imaye nache&#241;i &#241;i qami' nqateeguesopa ye Egipto co'ollaq qami' iroleguete da lta'araic la'a&#241;axac. 10Qaq &#7929;oqo'oye da ivireuga ca laloxoqui de'era nquia'axac, nache qaltaq qauo'oche, qaq nache qoquiito'ot 'enauaque naua vi'iye.</div><div class="p"> 11&#209;im Nataxala' qom mashe qami' &#7929;analeguete yem na'alhua na Cana&#225;n le'ecpi qom ipactelec dam la'aqtac maye qami' &#7929;anema co'ollaxa qataq soua hua'au' qarta'alli', qaq qom mashe ime da qami' &#7929;anema que'eca 'alhua, 12nache qami' qa&#7929;a'a&#241;i&#7929;ot qome &#209;im Nataxala' 'enauac na la'auaxanec qa&#7929;a'alquipi &#7929;alleppi, nataqa'en 'enauac na la'auaxanec llalec &#7929;ale nam qareloipi, cha'aye 'enauac namayepi lalamaxat &#209;im Nataxala'. 13Qalaxaye ca la'auaxanec llalec aca 'ashena, camaye nmeneguet qanqo&#7929;en ca qagueta llalec, qaq da saishet da nmeneguet qanqo&#7929;en ca qagueta llalec da qo&#7929;aneuo, nache que'eca 'ashena llalec qainoxon na lqosot. Nataqa'en qauauo'oi aca qarachetaqtaxanaqche da nmeneguet &#241;i 'oonolec ca la'auaxanec ca qa&#7929;a'alquipi. 14Qaq cam na'a'q da qami' ina't ca qa&#7929;a'alqui da 'eeta': &#191;Negue't ca naigui de'era?, nache qo&#241;iita' qome: &#209;im Nataxala' do'onataxana da lta'araic la'a&#241;axac co'ollaq qomi' nqateeguesopa ye Egipto, cha'aye co'ollaq sonaqta&#241;a yi'iye 'alhua nache choche qomi' nlataqa. 15Qataq so fara&#243;n &#7929;ataqta qaramchigui a&#241;i lquiyaqte da saishet da qomi' &#7929;axaarec, qaq &#7929;oqo'oye &#209;im Nataxala' &#7929;alauat so la'auaxanec llalec &#241;i 'oonolec so Egipto le'ecpi qataq 'enauac so la'auaxanec llalec so shigui&#7929;acpi. Qaq &#7929;oqo'oye qomi' sanaqot &#209;im Nataxala' nam qara'auaxanec qoyalec &#7929;ale, qataq ana qarachetaqtaxanaqte maye nmeneguet namayepi. 16Qaq &#7929;oqo'oye damaye 'eeta'am ca la'anaxat na qarhuaq, huo'otaq na qaratap, qaq damaye naigui da seuennaqte da &#209;im Nataxala' nache&#241;i &#241;i qomi' nqateeguesopa ye Egipto co'ollaq do'onataxana da lta'araic la'a&#241;axac&#187;.</div><div class="s1">So lo'oc lta'araic qataq so norec</div><div class="p"> 17Qaq so fara&#243;n co'ollaq &#7929;asheetem da jec so Israel le'ecpi, nache &#209;im Lo'onatac 'Enauacna saishet da &#7929;auecteuga so nqa'aic maye taalec ye na'alhua so filisteopi som sa qa&#7929;alec nqa'aic, cha'aye &#209;imaye tachigui lauel da so Israel le'ecpi saishet da deloqui da huo'otaq qailoquiaxan, qaq sa iuena'a da huo'o da ntogotaxac nache saqalaq da &#7929;e'eguelaxa ye Egipto. 18Qaq &#7929;oqo'oye &#209;imaye quetegue naqa'en somayepi so nqa'aic maye taalec ye toolec 'alhua som tataxaama aso Auaxai Togaxarai.</div><div class="p">Nache co'ollaq jec so Israel le'ecpi, nache nalochigui&#241;i 'eeta'am na alleppi. 19Qaq so Mois&#233;s, nataqa'en &#7929;ache' soua lpi'ineqa so Jos&#233;, cha'aye so Jos&#233; 'enapega co'ollaxa so Israel le'ecpi da ipactelec so &#7929;an la'aqtac da nache 'eetec de'era. Qaq 'enapeco' da la'aqtac: &#171;&#7928;oqta 'eesa qome da &#209;im Lo'onatac 'Enauacna qami' itaua'n, qaq qom ivita da ipacchigui damaxa, nache qami', qauache' qome naua ipi'ineqa&#187;.</div><div class="p"> 20Qaq so Israel le'ecpi co'ollaq ca'ai ye Sucot, nache qaltaq hua'a ye Etam, yem chegoqchigui&#241;a ye toolec 'alhua. 21Qaq &#209;im Nataxala' nnaictague' somayepi, ye na'a'q quetaigui so lo'oc da &#7929;achaxaata'ague na llec somayepi, qaq ye pe qalaq quetaigui so norec le'eraxa, da yaqto' ico&#7929;attalec somayepi. Qaq &#7929;oqo'oye somayepi ishet da queta ye na'a'q qataq ye pe. 22Qaq se'eso lo'oc lta'araic nache hua'auta'ague naxa na llec somayepi ye na'a'q, qaq ye pe, qalaq nacheso se'eso lo'oc da 'ettaigui nache ico&#7929;attalec somayepi.</div>
 </div>
 </div>
</div>

Ñim Nataxala' 'enapega so Moisés, 'eeta':
«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».
Nache so Moisés 'enapega na shiỹaxauapi, 'eeta':
«Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui. Qami' qaunoxoñiiuec ne'ena na'a'q maye huetoigui na ca'agoxoic le'enaxat Abib. Qaq nachena ne'ena ca'agoxoic huetoigui da qami' qauo'oche ca qayo'oxonnataxanaxaqui, qom mashe ime da qami' inoxonaqcheteua'alo ye 'alhua Ñim Nataxala', yem 'alhua maye huaña da qaica ca qoue na nallec, yem na'alhua na Canaán le'ecpi, hitiitapi, amorreopi, heveopi qataq na jebuseopi. Nacheye yem ỹachaxanapeguem co'ollaxa soua hua'au' qarta'alli' da ỹauotaique da qarmaye. Qaq ivi' qome naua siete na'axa'te da qollequiitac aca nauole 'ayiiña maye sa qaỹauo'o ana lalecte maye ỹasheeraxachigui. Qaq ca pa'atec na'a'q que'ecaua na'axa'te, nache qauo'oche ca qayo'oxonnataxanaxaqui da qavio'oxoyiñi Ñim Nataxala'. Qaq ivittrec qome que'ecaua siete na'axa'te da qollequiitac ana nauole 'ayiiña maye sa qaỹauo'o aca lalecte maye ỹasheeraxachigui, qaq saishet qome da huo'o ca 'oonolec da qoñiita da ỹaỹamaxattac ca ỹasheeraxachigui na ndaqñiguishec qataq aca nauole maye lalegue namaye, 'enauac na netalec que'eca 'alhua. Nache que'eca na'a'q qami' qome qaua'axacheetapeguem ca qaỹa'alquipi, qoñiita': De'era qaỹo'ot nagui, nachera da qomi' 'eeteque Ñim Nataxala' co'ollaq qolqa'ai naqa'en ye Egipto. Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac. Qaq ỹoqo'oye da ivireuga ca laloxoqui de'era nquia'axac, nache qaltaq qauo'oche, qaq nache qoquiito'ot 'enauaque naua vi'iye.
Ñim Nataxala' qom mashe qami' ỹanaleguete yem na'alhua na Canaán le'ecpi qom ipactelec dam la'aqtac maye qami' ỹanema co'ollaxa qataq soua hua'au' qarta'alli', qaq qom mashe ime da qami' ỹanema que'eca 'alhua, nache qami' qaỹa'añiỹot qome Ñim Nataxala' 'enauac na la'auaxanec qaỹa'alquipi ỹalleppi, nataqa'en 'enauac na la'auaxanec llalec ỹale nam qareloipi, cha'aye 'enauac namayepi lalamaxat Ñim Nataxala'. Qalaxaye ca la'auaxanec llalec aca 'ashena, camaye nmeneguet qanqoỹen ca qagueta llalec, qaq da saishet da nmeneguet qanqoỹen ca qagueta llalec da qoỹaneuo, nache que'eca 'ashena llalec qainoxon na lqosot. Nataqa'en qauauo'oi aca qarachetaqtaxanaqche da nmeneguet ñi 'oonolec ca la'auaxanec ca qaỹa'alquipi. Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa. Qataq so faraón ỹataqta qaramchigui añi lquiyaqte da saishet da qomi' ỹaxaarec, qaq ỹoqo'oye Ñim Nataxala' ỹalauat so la'auaxanec llalec ñi 'oonolec so Egipto le'ecpi qataq 'enauac so la'auaxanec llalec so shiguiỹacpi. Qaq ỹoqo'oye qomi' sanaqot Ñim Nataxala' nam qara'auaxanec qoyalec ỹale, qataq ana qarachetaqtaxanaqte maye nmeneguet namayepi. Qaq ỹoqo'oye damaye 'eeta'am ca la'anaxat na qarhuaq, huo'otaq na qaratap, qaq damaye naigui da seuennaqte da Ñim Nataxala' nacheñi ñi qomi' nqateeguesopa ye Egipto co'ollaq do'onataxana da lta'araic la'añaxac».

Qaq so faraón co'ollaq ỹasheetem da jec so Israel le'ecpi, nache Ñim Lo'onatac 'Enauacna saishet da ỹauecteuga so nqa'aic maye taalec ye na'alhua so filisteopi som sa qaỹalec nqa'aic, cha'aye Ñimaye tachigui lauel da so Israel le'ecpi saishet da deloqui da huo'otaq qailoquiaxan, qaq sa iuena'a da huo'o da ntogotaxac nache saqalaq da ỹe'eguelaxa ye Egipto. Qaq ỹoqo'oye Ñimaye quetegue naqa'en somayepi so nqa'aic maye taalec ye toolec 'alhua som tataxaama aso Auaxai Togaxarai.
Nache co'ollaq jec so Israel le'ecpi, nache nalochiguiñi 'eeta'am na alleppi. Qaq so Moisés, nataqa'en ỹache' soua lpi'ineqa so José, cha'aye so José 'enapega co'ollaxa so Israel le'ecpi da ipactelec so ỹan la'aqtac da nache 'eetec de'era. Qaq 'enapeco' da la'aqtac: «Ỹoqta 'eesa qome da Ñim Lo'onatac 'Enauacna qami' itaua'n, qaq qom ivita da ipacchigui damaxa, nache qami', qauache' qome naua ipi'ineqa».
Qaq so Israel le'ecpi co'ollaq ca'ai ye Sucot, nache qaltaq hua'a ye Etam, yem chegoqchiguiña ye toolec 'alhua. Qaq Ñim Nataxala' nnaictague' somayepi, ye na'a'q quetaigui so lo'oc da ỹachaxaata'ague na llec somayepi, qaq ye pe qalaq quetaigui so norec le'eraxa, da yaqto' icoỹattalec somayepi. Qaq ỹoqo'oye somayepi ishet da queta ye na'a'q qataq ye pe. Qaq se'eso lo'oc lta'araic nache hua'auta'ague naxa na llec somayepi ye na'a'q, qaq ye pe, qalaq nacheso se'eso lo'oc da 'ettaigui nache icoỹattalec somayepi.

Koute Éxodo 13