If you have would like a copy of this version please contact info@davaraudiobibles.org

Text: Lolo New Testament, © 2016, New Tribes Mission
Audio: Lolo Audio New Testament ℗ 2018, Davar Partners International

Lolo New Testament

<div class="version vid3096 iso6393llb" data-vid="3096" data-iso6393="llb">
 <div class="book bkACT">
 <div class="chapter ch1" data-usfm="ACT.1">
 <div class="label">1</div><div class="s1">Mazu oroma</div><div class="ms">Zela anamarumiwa a Yesu</div><div class="p">Tempu yawenda Yesu mwilamboni ya vati, awenda na anamamuharaye kumi na ambinli. Mbwenye mmohi, mulombwana Judasi Iskariyoti ohodowa jaye. Agamanle muguliha Yesu, liye ohotawa, dowa vimangelela. Halaga kumi na mmohi. Noira eno, nzina na anamamuhara nohomala, aliwa tukula nzina nixa, nzina na anamarumiwa. Aliwa karomile kala anamamuhara Yesu. Mbwenye Yesu ahanadowe zulu, oharuma ira kadowe kalaleye mazu. Muwari morumiwa mule, aliwa tukula nzina na anamarumiwa.</div><div class="p">Nona muwari mwa livuru ni, anamamuhara kumi na ambinli anno kawenda na Yesu kinaromoliwa na nzina na anamamuhara Yesu, mbwenye anaromoliwa na nzina na anamarumiwa.</div><div class="p">Eto muwari mwa livuru ni navwa nzina na anamamuhara Yesu, ku wonga atu omuroromela Yesu a vaheno vene, hiya anno kavahiwe mabasa olaleya. Mbwenye nzina na anamarumiwa ku wonga atu anno kawendile na Yesu nnga Peduru vamohi na afwaye amohiwa.</div><div class="p"> 1Livuru nanembinli ni nnoulrembelani nyo, so mundimuwa Teyofilo. Tchoira livuru noroma dilrembile miselu datene dairile Yesu na miselu datene dafundjiha liye 2fiyeda siku natukuleliwe liye zulu. Tchoira Yesu ahanadowe zulu, ohasakulra anamarumiwaye. Mwa kopolo da Munemba Otchena, Yesu ohawandela mangano aye, nomala, liye dowa zulu. 3Tchoira Yesu agaonihiwe goyi, agapiwe, agavennye mokwani, ohomala malambo 40 ahanadowe zulu. Muwari mwa malambo anno, Yesu oakumelela anamarumiwaye fendo dingasi dingasi eto oirana matikiniho madjindjene ira kakayena ibaribari ira Yesu ukalawo eto oawandela zela ja Umwene wa Mulugu.</div><div class="p"> 4Siku nimohi Yesu agali na anamarumiwaye, ohowongaga ira: &lt;&lt;Kamukumemo muJeruzalemu muno nipangano na Baba nahanakwakwanele. Miyo eto dohouwandelani malambo a mundulrimu zela nipangano neno.#1:4 nipangano neno: Nipangano niwa ku za wa Munemba Otchena. Nione Juwawu 14:16-18,26. 5Tchoira na ibaribari Juwawu ohabatiza atu na mahindje, mbwenye vamala malambo a vang'ono, nyo munobatiziwa na Munemba Otchena.&gt;&gt;</div><div class="p"> 6Yesu agagumanne na anamarumiwaye, kohonfuka keraga: &lt;&lt;Nabwiya kodi tempuwa tchenna inafuna nyo mukunge umwene wa Izarayeli#1:6 kodi tempuwa tchenna inafuna nyo mukunge umwene wa Izarayeli: Anamarumiwa a Yesu kafuna nnga Yesu avenyihe umwene waye mobaranya mwasiwa Yesu ahanakwe, liye ohawandela ira: Na ibaribari nnouwandelani ira yafiya ilambo ya vati ixa, Mwana wa Mutu aza agarati vampandoni vaye va umwene, na nyenne munoza mugarati mipando kumi na minli da umwene, mutongaga malogo kumi na menli a Izarayeli! (Matewuji 19:28) Ku wonga onelramo wewa, aliwa kafuna kala andimuwa tchineneva hiya kala atu oharahariwa na mwasa omulaleya Yesu Kiristu. Na ibaribari tongave aliwa anoza katonge, mbwenye kahi tchineneva, aliwa anoza katonge yaza ilambo ya vati ixa, hiya ilambo yenna ya tchineneva. akoka?&gt;&gt; 7Liye ohawandela ira: &lt;&lt;Baba mwa kopolo daye, umala hela tempu na malambo ira jatene ja sogolro jiireyege. Jejo jaye, kahi jenyu ira muiziwe. 8Zela nyo mbwenye, Munemba Otchena unoza akale na nyo. Era eno munotambilra kopolo ira mukale amboni aga, roma sidadila ya Jeruzalemu, dowa porovinsiyela ya Judeya, dowa ilambo ya Samariya, fiyeda magomelo wa ilambo ya vati.&gt;&gt;</div><div class="s1">Dowa wa Yesu zulu</div><div class="p"> 9Yesu agawongile mazwale, ohoroma dowa zulu, anamarumiwa ale kamuonaga. Adowagave, ohozaga murambo, liye volowa mmuramboni mule fiyeda dimelawo, anamarumiwa ale tchawandile muona. 10Kaing'anagave zulu, mobaranya alombwana ambinli okana jowara jotchena kohakumelela vari vewa, aliwa awandela keraga: 11&lt;&lt;Nyo alombwana a Galileya nyo, munaing'anela nni zulu? Yesu wenno ukumenle wa nyo atukuleliwaga zulu, unoza aze na makalelo amohive nnga mumuonne nyo agwelaga zulu.&gt;&gt;</div><div class="s1">Sakulriwa wa mutu afuna hala vamalroni va Judasi Iskariyoti</div><div class="p"> 12Nimburo nali atu Yesu adowaga zulu ali mwango unaitaniwa Mitengo da Azeti. Yesu agadowile zulu, anamarumiwale kohokumaga wali atu, aliwa welelaga Jeruzalemu. Kuma mwangoni ule, dowa Jeruzalemu, lapela uwa ali nnga kilometuru imohi bahi.#1:12 Owu hehi Kuma mwangoni Awurivera ule, dowa Jeruzalemu, lapela uwa ali lapa warumelihiwa aJudewu wenda siku na sabado. Tchoira aJudewu muwari moriheda siku na sabado, kohokana ningano ira: &lt;&lt;Siku na sabado, kakalevo unafuna wenda dowaga olapela wene. Wenda waye agome nnga kilometuru imohi.&gt;&gt; 13Kagafiyile Jeruzalemu, kodowa kwartu yenne yahayile atu ya nyumba ya muzulu. Afwanyeya mwemule ali Peduru, Juwawu, Tiyagu, Andire, Filipi, Tome, Bartolomewu, Matewuji, Tiyagu mwana Alifewu, Simawu wenno aromile kala muwari mwa nikuru na aZeloti.#1:13 nikuru na aZeloti: AZeloti ora yenno kafwanyeya kagali aJudewu kafuna joatamangiha aRoma. Ogomiheda ali Judasi mwana Tiyagu. 14Anamarumiwa atene anna kogumanetcha ira kalobele na Mariya mmaye Yesu na Yesu abalaye na ahiyana amohiwa. 15Muwari mwa malambo anne, siku nimohi abali atene omuhara Yesu kagagumanne, Peduru ohovenyaga vari va atu atene kagumannege evale. Fwanyeya ira abali atene omuroromela Yesu kagumannege kaligi wandamelana 120.</div><div class="p">Evale Peduru agavenyile, ohowongaga eraga: 16-17&lt;&lt;Abalaga, mulombwana Judasi awenda vamohi na hiyo eto liye osakulriwa ira alabe vamohi na hiyo. Mbwenye yali yofuneya ira jikwakwanele jejo jafwanyeya mMazuni, jejo Munemba Otchena jawongile liye muwari mwa mulombwana Davi,#1:16-17 Davi oholremba zela Judasi mwasiwa liye ohowonga zela mutu wenno afuna za muguliha Namatikeliwa. (Salmu 41:9, 69:25) zela mulombwana Judasi wenno aasogolrenlre ale kamuhindile Yesu.&gt;&gt; 18(Mulombwana Judasi kobiri yavahiwe liye na mwasa wa ubure werile liye, ogula munda mwemo mwadowile liye gwa na vambani vaye, pwezeya, kuma mirimbo.#1:18 Mulombwana Judasi&#8230; ogula munda: Muwari mwa mazwala na mazu a Matewuji 27:6-8, nnowanda iziwa ira mulombwana Judasi agangulihile Yesu, liye ohovenya dowa mmundani eni, liye vimangelela mwemo, liye pwezeya ingulu, kuma mirimbo, kwela emule. Evale anamakuta kohotukula kobiri yavahiwe liye na mwasa wa ubure werile liye, aliwa gula munda wenne mwakwele liye mule. Nona kawongaga ira Judasi ohogula munda. 19Eto ukwa waye wohoiziweya na atu atene kakala Jeruzalemu. Pa evale vavahile atu mundole nzina na Akeldama na iwongelo yewa, yenno inatapulela ira Munda wa Sangiri.)</div><div class="p"> 20Peduru ohowongagave eraga: &lt;&lt;Tchoira muwari mwa livuru na Salmu muhulrembiwa ira: &lt;Vande vaye vikale vadebe. Kakalevo mutu ofuna kalavo.&gt;#Salmu 69:25 Eto muhulrembiwa ira: &lt;Mutu mmohiwa ahambihiwe ira alabege izo yanna liye.&gt;#Salmu 109:8 21Nona inafwanela nimusakulre mutu mmohiwa ira ahale vamalroni vaye. Eto mutuwa akale wenno awendetchave na hiyo roma wanle, ora yatene yalaba Nabwiya Yesu mabasaye, 22kuma batiza wa Juwawu fiyeda siku natukuleliwe liye zulu. Nimusakulreni mulombwana mmohi ira ahidedelege umboni vamohi na hiyo zela venya wa Yesu mokwani.&gt;&gt;</div><div class="p"> 23Peduru agawongile enne, atu kali evale kohasakulra alombwana ambinli. Mmohi ali Joze wenno aitaniwa Barisaba nari Justu. Mmohiwa ali Matiyaji. 24Evale aliwa koholobela keraga: &lt;&lt;Nabwiya nyo guiziwile yenno ili mmirimani mwa kada mutu. Nnavepa ira mwa ambinli ala, munionihe wenno mmusakunlre nyo 25ira awande laba mabasa a namarumiwa vamalroni va Judasi wenno aperuwile adowaga nimburo neno namanle liye balriwa.&gt;&gt; 26Kagamanle lobela eno, kohosakanya jogu ya ngari#1:26 jogu ya ngari: Nione rodape unafwanyeya Matewuji 27:35. ira kamuone mutu guvi afuna sakulriwa. Evale agweliwe ngari ali mulombwana Matiyaji. Noira enne, mulombwana Matiyaji ohoroma balriwa vamohi na anamarumiwa kumi na mmohi arandjale.</div>
 </div>
 </div>
</div>

Tempu yawenda Yesu mwilamboni ya vati, awenda na anamamuharaye kumi na ambinli. Mbwenye mmohi, mulombwana Judasi Iskariyoti ohodowa jaye. Agamanle muguliha Yesu, liye ohotawa, dowa vimangelela. Halaga kumi na mmohi. Noira eno, nzina na anamamuhara nohomala, aliwa tukula nzina nixa, nzina na anamarumiwa. Aliwa karomile kala anamamuhara Yesu. Mbwenye Yesu ahanadowe zulu, oharuma ira kadowe kalaleye mazu. Muwari morumiwa mule, aliwa tukula nzina na anamarumiwa.
Nona muwari mwa livuru ni, anamamuhara kumi na ambinli anno kawenda na Yesu kinaromoliwa na nzina na anamamuhara Yesu, mbwenye anaromoliwa na nzina na anamarumiwa.
Eto muwari mwa livuru ni navwa nzina na anamamuhara Yesu, ku wonga atu omuroromela Yesu a vaheno vene, hiya anno kavahiwe mabasa olaleya. Mbwenye nzina na anamarumiwa ku wonga atu anno kawendile na Yesu nnga Peduru vamohi na afwaye amohiwa.
Livuru nanembinli ni nnoulrembelani nyo, so mundimuwa Teyofilo. Tchoira livuru noroma dilrembile miselu datene dairile Yesu na miselu datene dafundjiha liye fiyeda siku natukuleliwe liye zulu. Tchoira Yesu ahanadowe zulu, ohasakulra anamarumiwaye. Mwa kopolo da Munemba Otchena, Yesu ohawandela mangano aye, nomala, liye dowa zulu. Tchoira Yesu agaonihiwe goyi, agapiwe, agavennye mokwani, ohomala malambo 40 ahanadowe zulu. Muwari mwa malambo anno, Yesu oakumelela anamarumiwaye fendo dingasi dingasi eto oirana matikiniho madjindjene ira kakayena ibaribari ira Yesu ukalawo eto oawandela zela ja Umwene wa Mulugu.
Siku nimohi Yesu agali na anamarumiwaye, ohowongaga ira: <<Kamukumemo muJeruzalemu muno nipangano na Baba nahanakwakwanele. Miyo eto dohouwandelani malambo a mundulrimu zela nipangano neno. Tchoira na ibaribari Juwawu ohabatiza atu na mahindje, mbwenye vamala malambo a vang'ono, nyo munobatiziwa na Munemba Otchena.>>
Yesu agagumanne na anamarumiwaye, kohonfuka keraga: <<Nabwiya kodi tempuwa tchenna inafuna nyo mukunge umwene wa Izarayeli akoka?>> Liye ohawandela ira: <<Baba mwa kopolo daye, umala hela tempu na malambo ira jatene ja sogolro jiireyege. Jejo jaye, kahi jenyu ira muiziwe. Zela nyo mbwenye, Munemba Otchena unoza akale na nyo. Era eno munotambilra kopolo ira mukale amboni aga, roma sidadila ya Jeruzalemu, dowa porovinsiyela ya Judeya, dowa ilambo ya Samariya, fiyeda magomelo wa ilambo ya vati.>>

Yesu agawongile mazwale, ohoroma dowa zulu, anamarumiwa ale kamuonaga. Adowagave, ohozaga murambo, liye volowa mmuramboni mule fiyeda dimelawo, anamarumiwa ale tchawandile muona. Kaing'anagave zulu, mobaranya alombwana ambinli okana jowara jotchena kohakumelela vari vewa, aliwa awandela keraga: <<Nyo alombwana a Galileya nyo, munaing'anela nni zulu? Yesu wenno ukumenle wa nyo atukuleliwaga zulu, unoza aze na makalelo amohive nnga mumuonne nyo agwelaga zulu.>>

Nimburo nali atu Yesu adowaga zulu ali mwango unaitaniwa Mitengo da Azeti. Yesu agadowile zulu, anamarumiwale kohokumaga wali atu, aliwa welelaga Jeruzalemu. Kuma mwangoni ule, dowa Jeruzalemu, lapela uwa ali nnga kilometuru imohi bahi. Kagafiyile Jeruzalemu, kodowa kwartu yenne yahayile atu ya nyumba ya muzulu. Afwanyeya mwemule ali Peduru, Juwawu, Tiyagu, Andire, Filipi, Tome, Bartolomewu, Matewuji, Tiyagu mwana Alifewu, Simawu wenno aromile kala muwari mwa nikuru na aZeloti. Ogomiheda ali Judasi mwana Tiyagu. Anamarumiwa atene anna kogumanetcha ira kalobele na Mariya mmaye Yesu na Yesu abalaye na ahiyana amohiwa. Muwari mwa malambo anne, siku nimohi abali atene omuhara Yesu kagagumanne, Peduru ohovenyaga vari va atu atene kagumannege evale. Fwanyeya ira abali atene omuroromela Yesu kagumannege kaligi wandamelana 120.
Evale Peduru agavenyile, ohowongaga eraga: <<Abalaga, mulombwana Judasi awenda vamohi na hiyo eto liye osakulriwa ira alabe vamohi na hiyo. Mbwenye yali yofuneya ira jikwakwanele jejo jafwanyeya mMazuni, jejo Munemba Otchena jawongile liye muwari mwa mulombwana Davi, zela mulombwana Judasi wenno aasogolrenlre ale kamuhindile Yesu.>> (Mulombwana Judasi kobiri yavahiwe liye na mwasa wa ubure werile liye, ogula munda mwemo mwadowile liye gwa na vambani vaye, pwezeya, kuma mirimbo. Eto ukwa waye wohoiziweya na atu atene kakala Jeruzalemu. Pa evale vavahile atu mundole nzina na Akeldama na iwongelo yewa, yenno inatapulela ira Munda wa Sangiri.)
Peduru ohowongagave eraga: <<Tchoira muwari mwa livuru na Salmu muhulrembiwa ira: <Vande vaye vikale vadebe. Kakalevo mutu ofuna kalavo.> Eto muhulrembiwa ira: <Mutu mmohiwa ahambihiwe ira alabege izo yanna liye.> Nona inafwanela nimusakulre mutu mmohiwa ira ahale vamalroni vaye. Eto mutuwa akale wenno awendetchave na hiyo roma wanle, ora yatene yalaba Nabwiya Yesu mabasaye, kuma batiza wa Juwawu fiyeda siku natukuleliwe liye zulu. Nimusakulreni mulombwana mmohi ira ahidedelege umboni vamohi na hiyo zela venya wa Yesu mokwani.>>
Peduru agawongile enne, atu kali evale kohasakulra alombwana ambinli. Mmohi ali Joze wenno aitaniwa Barisaba nari Justu. Mmohiwa ali Matiyaji. Evale aliwa koholobela keraga: <<Nabwiya nyo guiziwile yenno ili mmirimani mwa kada mutu. Nnavepa ira mwa ambinli ala, munionihe wenno mmusakunlre nyo ira awande laba mabasa a namarumiwa vamalroni va Judasi wenno aperuwile adowaga nimburo neno namanle liye balriwa.>> Kagamanle lobela eno, kohosakanya jogu ya ngari ira kamuone mutu guvi afuna sakulriwa. Evale agweliwe ngari ali mulombwana Matiyaji. Noira enne, mulombwana Matiyaji ohoroma balriwa vamohi na anamarumiwa kumi na mmohi arandjale.

Koute Joira ja Anamarumiwa 1