<div class="version vid1285 iso6393sag" data-vid="1285" data-iso6393="sag">
   <div class="book bkROM">
      <div class="chapter chINTRO1" data-usfm="ROM.INTRO1">
         <div class="imt"><span class="content">Kete t&#235;n&#235; na nd&#246; ti Mbeti so Paul atokua na Eglize ti Rome</span></div><div class="ip"><span class="content">Paul asu mbeti so na azo ti Christ so ayeke na gbata ti Rome na peko ti so lo hunzi ota tambula ti lo. Lo ye ti gue na Rome nga na Espanye ti fa Nzoni T&#235;n&#235; k&#226; (15.22-23); lo ye ti gue na Rome, ngbanga ti so ade lo si k&#226; pepe. Lo tokua mbeti ni titene azo ti Rome aleke gango ti lo na popo ti ala.</span></div><div class="ip"><span class="content">Na ya ti mbeti ni, mo yeke wara akota t&#235;n&#235; so kue Paul afa. Lo bongbi at&#235;n&#235; ni kue na ya ti t&#235;n&#235; oko so: &#8220;Zo so aga mbirimbiri na lege ti mabe, fade lo yeke duti na fini.&#8221; (1.17).</span></div><div class="ip"><span class="content">Ti fa nda ti kota t&#235;n&#235; so, Paul aluti na nd&#246; ti aye ota ti hasa ya ni:</span></div><div class="ip"><span class="content">Ti sara ye alingbi na </span><span class="w"><span class="content">*</span></span><span class="content">Ndia wala ti ma na be na J&#233;sus Christ, so wa laa ayeke gue na zo na Nzapa?</span></div><div class="iot"><span class="content">Akota ye so ayeke na ya ti mbeti so:</span></div><div class="ip"><span class="content">  </span><span class="bd"><span class="content">Ti londo na kota gere 1 asi na 8</span></span><span class="content">, Paul atene t&#235;n&#235; na nd&#246; ti at&#235;n&#235; so. Azo ti Eglize ti Rome ayeke azuife pepe. Me mo yeke wara gba ti azuife na Rome; ambeni aga azo ti Christ. Ala ngba ti sara ye alingbi na t&#235;n&#235; ti ndia ti vorongo Nzapa ti azuife. Azo ti amara nde so ama na be awe, alingbi ala sara ye alingbi na andia ti vorongo Nzapa ti azuife ni? T&#235;n&#235; so abi tomboka na li ti azo ti Eglize mingi. Paul atene: azo kue ayeke azo ti siokpari, ataa azo ti amara nde wala azuife. Mbeni ndia nde ti vorongo Nzapa alingbi ti zi zo biani biani na gbe ti siokpari pepe. Me azo kue alingbi ti soo ku&#226; na lege ti Yingo-Vuru, ngbanga ti so J&#233;sus Christ laa ayeke gue na azo na Nzapa.</span></div><div class="ip"><span class="content">  </span><span class="bd"><span class="content">Ti londo na kota gere 9 asi na 11</span></span><span class="content">, Paul atene t&#235;n&#235; na nd&#246; ti azo ti Israel so Nzapa asoro ala. Tongana keke so gere ni alondo na ya ti sese, t&#235;n&#235; ti mabe alondo na azuife. Me so ala ma na be na J&#233;sus Christ pepe, fade t&#235;n&#235; ti ala ayeke ga tongana nyen? Paul atene: Nzapa angba ti ye azo ti lo, azuife, lo ngba nga ti iri ala. Mbeni l&#226;, azuife na tanga ti azo ti mara kue ayeke hinga ande nzoni be ti Nzapa so lo sara na azo na lege ti J&#233;sus Christ.</span></div><div class="ip"><span class="content">  </span><span class="bd"><span class="content">Ti londo na kota gere 12 asi na 15</span></span><span class="content">, Paul atene t&#235;n&#235; na nd&#246; ti lege ti dutingo na ya ti Eglize ti J&#233;sus Christ. Paul afa lege so zo alingbi ti voro na Nzapa, lege so zo alingbi ti duti na siriri na azo kue. Lo hunda na azo so mabe ti ala akpengba awe ti sara na azo so mabe ti ala ade ti kpengba pepe. Nzapa aye ti zi azo kue na gbe ti ngangu ti siokpari na ti ku&#226;. Fadeso, na lege ti Yingo-Vuru, azo ni alingbi ti duti na beoko na popo ti ala, ala lingbi ti duti nga na beoko na Christ.</span></div><div class="ip"><span class="content">Na kongo nda ti mbeti ti lo, Paul abara azo gbani gbani, akoli na awali (kota gere 16). So aye ti fa na e atene, azo ti Christ ti ngoi ti Paul ayeke tongana e laso, ala ye tere mingi.</span></div>
      </div>
   </div>
</div>

Kete tënë na ndö ti Mbeti so Paul atokua na Eglize ti Rome
Paul asu mbeti so na azo ti Christ so ayeke na gbata ti Rome na peko ti so lo hunzi ota tambula ti lo. Lo ye ti gue na Rome nga na Espanye ti fa Nzoni Tënë kâ (15.22-23); lo ye ti gue na Rome, ngbanga ti so ade lo si kâ pepe. Lo tokua mbeti ni titene azo ti Rome aleke gango ti lo na popo ti ala.
Na ya ti mbeti ni, mo yeke wara akota tënë so kue Paul afa. Lo bongbi atënë ni kue na ya ti tënë oko so: “Zo so aga mbirimbiri na lege ti mabe, fade lo yeke duti na fini.” (1.17).
Ti fa nda ti kota tënë so, Paul aluti na ndö ti aye ota ti hasa ya ni:
Ti sara ye alingbi na *Ndia wala ti ma na be na Jésus Christ, so wa laa ayeke gue na zo na Nzapa?
Akota ye so ayeke na ya ti mbeti so:
Ti londo na kota gere 1 asi na 8 , Paul atene tënë na ndö ti atënë so. Azo ti Eglize ti Rome ayeke azuife pepe. Me mo yeke wara gba ti azuife na Rome; ambeni aga azo ti Christ. Ala ngba ti sara ye alingbi na tënë ti ndia ti vorongo Nzapa ti azuife. Azo ti amara nde so ama na be awe, alingbi ala sara ye alingbi na andia ti vorongo Nzapa ti azuife ni? Tënë so abi tomboka na li ti azo ti Eglize mingi. Paul atene: azo kue ayeke azo ti siokpari, ataa azo ti amara nde wala azuife. Mbeni ndia nde ti vorongo Nzapa alingbi ti zi zo biani biani na gbe ti siokpari pepe. Me azo kue alingbi ti soo kuâ na lege ti Yingo-Vuru, ngbanga ti so Jésus Christ laa ayeke gue na azo na Nzapa.
Ti londo na kota gere 9 asi na 11 , Paul atene tënë na ndö ti azo ti Israel so Nzapa asoro ala. Tongana keke so gere ni alondo na ya ti sese, tënë ti mabe alondo na azuife. Me so ala ma na be na Jésus Christ pepe, fade tënë ti ala ayeke ga tongana nyen? Paul atene: Nzapa angba ti ye azo ti lo, azuife, lo ngba nga ti iri ala. Mbeni lâ, azuife na tanga ti azo ti mara kue ayeke hinga ande nzoni be ti Nzapa so lo sara na azo na lege ti Jésus Christ.
Ti londo na kota gere 12 asi na 15 , Paul atene tënë na ndö ti lege ti dutingo na ya ti Eglize ti Jésus Christ. Paul afa lege so zo alingbi ti voro na Nzapa, lege so zo alingbi ti duti na siriri na azo kue. Lo hunda na azo so mabe ti ala akpengba awe ti sara na azo so mabe ti ala ade ti kpengba pepe. Nzapa aye ti zi azo kue na gbe ti ngangu ti siokpari na ti kuâ. Fadeso, na lege ti Yingo-Vuru, azo ni alingbi ti duti na beoko na popo ti ala, ala lingbi ti duti nga na beoko na Christ.
Na kongo nda ti mbeti ti lo, Paul abara azo gbani gbani, akoli na awali (kota gere 16). So aye ti fa na e atene, azo ti Christ ti ngoi ti Paul ayeke tongana e laso, ala ye tere mingi.

Koute Rome Kete tënë na ndö ti Mbeti so Paul atokua na Eglize ti Rome