© 2004, Wycliffe Bible Translators, Inc. All rights reserved.
℗ 2022 Hosanna

Tagabawa - 2004 WBT (NT) Non Drama

Tagabawa - 2004 WBT (NT) Drama

<div class="version vid1116 iso6393bgs" data-vid="1116" data-iso6393="bgs">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Inant&#233; puman si Jesus</div><div class="r"> Luc 24:1-12; Mat 28:1-10; Mar 16:1-8; Juan 20:1-10</div><div class="p"> 1Asal s&#225;ll&#225;m ka Linggo, igs&#225;ll&#225;m t&#244; mga gabayi na igpid ka mga pamammut na igtagan&#224; dan, asta igsadun dan tun ta igl&#225;bb&#225;ngngan. 2Igkita dan na tagan&#224; ililid t&#244; batu na igsagp&#225;ng. 3Asal t&#244; igahu dan, &#225;nd&#224; lawa na ikita dan. 4Na, isal&#225;bbuan dan ting&#243;d kat&#244; igkita dan, asta tigk&#244; igpakita kandan t&#244; duwa gamama na igumpak ka mapput&#236; na &#225;gs&#233;ll&#224;. 5Im&#225;ddangan t&#244; gabayi asta iglangk&#225;b dan. Asal igkagi t&#244; duwa gamama, na m&#224; dan, &#8220;Yak&#243; &#225;gpamasak kat&#244; mant&#233; nit &#225;gl&#225;bb&#225;ngnganan. &#193;nd&#224; dini sikandin, su inant&#233;. 6Samp&#225;t yu t&#244; tagan&#224; igkagi din &#225;kniyu tun ta Galilea. 7Igkagiyan k&#243; ikandin na kailangan b&#225;gg&#233;n sikandin na Igpamanub&#249; tun ta b&#225;llad kat&#244; masal&#224;-sal&#224; mga manub&#249;, pansalan sikandin tun ta krus &#233;b&#244; mat&#233;, asta mant&#233; puman sikandin tun ta ikat&#225;llu &#225;ll&#243;.&#8221;</div><div class="p"> 8Purisu isamp&#225;ttan kat&#244; mga gabayi t&#244; tagan&#224; igkagi i Jesus. 9Igpan&#243; dan tikud tun ta l&#225;bb&#225;ng, asta igulit dan kani langun tun ta sapul&#249; s&#225;bbad (11) apostoles asta tun ta mga duma. 10T&#244; mga gabayi t&#244;, si Maria taga Magdala, si Juana, si Maria na inn&#224; i Santiago, asta duw&#225;n pa &#225;ssa mga gabayi. Sikandan t&#244; igulit ting&#243;d kat&#244; langun na igkita dan tun ta mga apostoles. 11Asal k&#233;man dan ka igimu-imu d&#225;d t&#244; igkagi dan, asta &#225;nd&#224; dan b&#225;nnal kandan. 12[Asal igpalaguy si Pedro igsadun tun ta l&#225;bb&#225;ng. Igk&#243;g&#243;-k&#243;g&#243; sikandin, igs&#225;ll&#225;g tun dal&#225;m, asta igkita din t&#244; mapput&#236; &#243;gg&#233;t, asal &#225;nd&#224; lawa na igkita din. T&#244; igul&#236; sikandin, isal&#225;bbuan sikandin ting&#243;d kat&#244; ilumu.]</div><div class="s">Igpakita si Jesus tun ta duwa disipulu din</div><div class="r"> Luc 24:13-35; Mar 16:12-13</div><div class="p"> 13T&#244; &#225;ll&#243; t&#244;, duw&#225;n duwa disipulu i Jesus na igsadun tun ta lunsud ka Emmaus na mga sapul&#249; s&#225;bbad (11) kilometro tikud tun ta Jerusalem. 14Igpat&#243;ngk&#243;&#233; dan ting&#243;d kat&#244; langun na ilumu. 15R&#243;ggun na igpat&#243;ngk&#243;&#233; dan, igpadani si Jesus, asta igt&#225;kk&#225;s kandan, 16asal &#225;nd&#224; dan ikakilala ka sadan sikandin. 17Igins&#224; si Jesus, na m&#224; din, &#8220;&#193;ndin t&#244; &#225;gt&#243;ngk&#243;&#225;n yu r&#243;ggun igpan&#243; k&#243;?&#8221;</div><div class="p">Igs&#243;d&#244; t&#244; duwa dan, asta iranu t&#244; b&#243;nn&#243;ng dan. 18Igtaba t&#244; s&#225;bbad na &#225;gngadanan ki Cleopas, na m&#224; din, &#8220;Tun ta langun taga Jerusalem, s&#225;bbad nu d&#225;d t&#244; &#225;nd&#224; ikas&#243;dd&#243;r ting&#243;d kat&#244; ilumu &#225;knganni.&#8221;</div><div class="p"> 19Igkagi si Jesus, na m&#224; din, &#8220;&#193;ndin t&#244; ilumu?&#8221;</div><div class="p">Igkagi sikandan, na m&#224; dan, &#8220;T&#244; in&#233;mu ki Jesus na taga Nazaret. Propeta sikandin, asta matulus t&#244; langun na iglumu din asta igtinur&#249; din tun ta saruwan ka Manama asta tun ta mga manub&#249;. 20T&#244; mallayat ka mga pangulu ka templo asta t&#244; mga pangulu ka Judio igpamm&#225;t kandin, asta igmatayan dan sikandin na igpansalan dan tun ta krus. 21Asal igiman k&#233; na sikandin t&#244; makat&#225;bbus kat&#244; mga rubbad i Israel. T&#225;llu d&#225;n &#225;ll&#243; t&#244; iglab&#233;. 22Isal&#225;bbuan k&#233;, su duw&#225;n mga kadumaan d&#233; na gabayi na igs&#225;ll&#225;m tun ta igl&#225;bb&#225;ngngan kandin, 23asal &#225;nd&#224; lawa din na igkita dan. T&#244; igul&#236; dan, igulit dan &#225;knami na igpakita kandan t&#244; mga panaligan ka Manama na igkagi na inant&#233; d&#225;n si Jesus. 24Duw&#225;n &#225;ssa mga kadumaan d&#233; na igsadun tun ta l&#225;bb&#225;ng, asta t&#244; igkita dan magunawa kat&#244; igulit kat&#244; mga gabayi. Asal &#225;nd&#224; dan kitayi sikandin.&#8221;</div><div class="p"> 25Igkagi si Jesus, na m&#224; din, &#8220;Isal&#225;bbuanna &#225;kniyu, su &#225;nd&#224; k&#243; pa b&#225;nnal kat&#244; langun na igkagi kat&#244; mga propeta ka Manama sayyan! 26Kailangan matayan pa t&#244; Mesiyas iring kat&#244; ilumu d&#225;n t&#244; d&#236; pa matuman na duw&#225;n s&#233;lla&#225;n din tun ta langit.&#8221;</div><div class="p"> 27Na, igp&#233;nagp&#225;t i Jesus tun kandan t&#244; langun na igsulat tun ta kagi ka Manama ting&#243;d kandin, tikud tun ta igsulat i Moises asta kat&#244; langun propeta ka Manama sayyan.</div><div class="p"> 28T&#244; madani dan d&#225;n tun ta lunsud na &#225;gsadunan kat&#244; duwa disipulu, manayun p&#225;d si Jesus. 29Asal igp&#233;du-&#233;du dan kandin, na m&#224; dan, &#8220;D&#225;gg&#224; ka dini &#225;knami, su igsall&#225;p d&#225;n t&#244; &#225;ll&#243;, asta masig d&#225;n dumukil&#225;m.&#8221;</div><div class="p">Purisu igt&#225;kk&#225;s si Jesus kandan. 30T&#244; igiyambung dan, igkang&#233; i Jesus t&#244; pan, igpasalamat sikandin tun ta Manama, igt&#225;ppik-t&#225;ppik din, asta igb&#225;gg&#233; din tun kandan. 31T&#225;kk&#244; ikakilala dan na sikandin si Jesus. Asal inand&#224; sikandin. 32Igpat&#243;ngk&#243;&#233; sikandan, na m&#224; dan, &#8220;Agud ta na iring na duw&#225;n m&#233;nit tun ta pusung ta ting&#243;d ka day&#243; ta r&#243;ggun na igt&#243;ngk&#244; sikandin &#225;knita tun ta dalan, asta igp&#233;nagp&#225;t din &#225;knita t&#244; kagi ka Manama.&#8221;</div><div class="p"> 33Na, t&#244; oras t&#244;, s&#233;k&#243;t dan igl&#243;n&#243;d tun ta Jerusalem. Igkita dan t&#244; sapul&#249; s&#225;bbad (11) mga disipulu i Jesus na ilimud, asta t&#244; mga kadumaan dan. 34Igkagi t&#244; mga manub&#249; na ilimud, na m&#224; dan, &#8220;B&#225;nnal inant&#233; d&#225;n puman t&#244; &#193;glangngag&#225;n, asta igpakita sikandin ki Simon!&#8221;</div><div class="p"> 35Na, igulit t&#244; duwa disipulu ting&#243;d kat&#244; ilumu kandan tun ta dalan, asta ting&#243;d ka kakilala dan kandin dal&#225;m ka kat&#225;ppik-t&#225;ppik din kat&#244; pan.</div><div class="s">Igpapan&#243; i Jesus t&#244; mga disipulu din</div><div class="r"> Luc 24:36-49; Mat 28:16-20; Mar 16:14-18; Juan 20:19-23; Lumu 1:6-8</div><div class="p"> 36R&#243;ggun na igulit dan t&#244; ting&#243;d kat&#244; igkita dan, igdungg&#249; si Jesus na igtind&#225;g tun ta t&#225;ngngaan dan, asta igkagi sikandin, na m&#224; din, &#8220;M&#243;l&#224; pa ka duw&#225;n kasunayan yu.&#8221;</div><div class="p"> 37Asal itingk&#225;mm&#225;d dan asta im&#225;ddangan dan, su k&#233;man dan ka gimukud sikandin. 38Asal igkagi si Jesus kandan, na m&#224; din, &#8220;Yak&#243; &#225;gkatanaan, asta yak&#243; &#225;gduwa-duwa. 39S&#225;ll&#225;g yu ni mga am&#249; nit b&#225;llad ku asta nit paa ku, su b&#225;nnal sak&#225;n g&#243;. Awid k&#243; kanak &#233;b&#244; kas&#243;dd&#243;ran yu na &#225;nn&#224; a gimukud. &#193;nd&#224; lawa kat&#244; gimukud, asal duw&#225;n lawa ku na &#225;gkitan&#225;n yu.&#8221;</div><div class="p"> 40Na, igpakita i Jesus kandan t&#244; b&#225;llad asta paa din. 41Agad idayawan dan, asal iring na &#225;nd&#224; dan b&#225;nnal na b&#225;nnal g&#243; sikandin, su isal&#225;bbuan dan. Igins&#224; si Jesus, na m&#224; din, &#8220;Duw&#225;n &#225;gkann&#225;n yu kannun?&#8221;</div><div class="p"> 42Igb&#225;ggayan dan sikandin ka s&#225;bbad abuk s&#225;dd&#224; na ig&#225;ggang. 43Igtanggap i Jesus, asta igkan din tun ta saruwan dan.</div><div class="p"> 44Igkagi si Jesus, na m&#224; din, &#8220;T&#244; igduma a pa &#225;kniyu d&#225;ngngan t&#244; &#225;nd&#224; a pa kamat&#233;, igkagi ku &#225;kniyu na kailangan matuman t&#244; langun ting&#243;d kanak na igsulat i Moises, asta kat&#244; mga propeta sayyan, asta tun ta libro ka Salmo.&#8221;</div><div class="p"> 45Igp&#233;nagp&#225;t i Jesus kandan t&#244; k&#243;badan kat&#244; kagi ka Manama na igsulat sayyan.</div><div class="p"> 46Igkagi sikandin, na m&#224; din, &#8220;M&#224; kat&#244; kagi ka Manama na kailangan matayan t&#244; Mesiyas, asta mant&#233; puman sikandin tun ta ikat&#225;llu &#225;ll&#243;. 47Igpapidda &#225;kniyu &#233;b&#244; mulit-ulit k&#243; kat&#244; mga manub&#249; tun ta langun banuwa na pasinsiyaan ka Manama t&#244; mga sal&#224; dan ka rum&#225;kk&#225;d dan. Kailangan tumigkan&#233; k&#243;d mulit-ulit nit lunsud ka Jerusalem. 48Sikiyu t&#244; ikakita kani langun, asta kailangan ulit&#225;n yu tun ta duma mga manub&#249;. 49Papidd&#225;n ku dini &#225;kniyu t&#244; Ugis Espiritu na igtand&#244; kat&#244; &#193;mm&#224; ku. Asal angat k&#243; pa kannun ta lunsud ka Jerusalem sippang ka matanggap yu t&#244; Ugis Espiritu tikud tun ta langit.&#8221;</div><div class="s">Ibatun si Jesus tun ta langit</div><div class="r"> Luc 24:50-53; Mar 16:19-20; Lumu 1:9-11</div><div class="p"> 50Na, igpid si Jesus kandan, igpan&#243; dan tikud tun ta Jerusalem, asta igsadun dan sippang tun ta Betania. Igtay&#243; i Jesus t&#244; b&#225;llad din, asta igdasal sikandin na tabangan dan ka Manama. 51R&#243;ggun na igdasal sikandin, igtananan din sikandan, asta ibatun sikandin tun ta langit. 52Na, igpangadap dan kandin, asta igul&#236; dan tun ta Jerusalem na duw&#225;n day&#243; dan. 53Inalayun dan &#225;gsadun tun ta templo, asta &#225;gdurung&#225;n dan t&#244; Manama.</div>
 </div>
 </div>
</div>

Asal sállám ka Linggo, igsállám tô mga gabayi na igpid ka mga pamammut na igtaganà dan, asta igsadun dan tun ta iglábbángngan. Igkita dan na taganà ililid tô batu na igsagpáng. Asal tô igahu dan, ándà lawa na ikita dan. Na, isalábbuan dan tingód katô igkita dan, asta tigkô igpakita kandan tô duwa gamama na igumpak ka mapputì na ágséllà. Imáddangan tô gabayi asta iglangkáb dan. Asal igkagi tô duwa gamama, na mà dan, “Yakó ágpamasak katô manté nit áglábbángnganan. Ándà dini sikandin, su inanté. Sampát yu tô taganà igkagi din ákniyu tun ta Galilea. Igkagiyan kó ikandin na kailangan bággén sikandin na Igpamanubù tun ta bállad katô masalà-salà mga manubù, pansalan sikandin tun ta krus ébô maté, asta manté puman sikandin tun ta ikatállu álló.”
Purisu isampáttan katô mga gabayi tô taganà igkagi i Jesus. Igpanó dan tikud tun ta lábbáng, asta igulit dan kani langun tun ta sapulù sábbad (11) apostoles asta tun ta mga duma. Tô mga gabayi tô, si Maria taga Magdala, si Juana, si Maria na innà i Santiago, asta duwán pa ássa mga gabayi. Sikandan tô igulit tingód katô langun na igkita dan tun ta mga apostoles. Asal kéman dan ka igimu-imu dád tô igkagi dan, asta ándà dan bánnal kandan. [Asal igpalaguy si Pedro igsadun tun ta lábbáng. Igkógó-kógó sikandin, igsállág tun dalám, asta igkita din tô mapputì óggét, asal ándà lawa na igkita din. Tô igulì sikandin, isalábbuan sikandin tingód katô ilumu.]


Tô álló tô, duwán duwa disipulu i Jesus na igsadun tun ta lunsud ka Emmaus na mga sapulù sábbad (11) kilometro tikud tun ta Jerusalem. Igpatóngkóé dan tingód katô langun na ilumu. Róggun na igpatóngkóé dan, igpadani si Jesus, asta igtákkás kandan, asal ándà dan ikakilala ka sadan sikandin. Iginsà si Jesus, na mà din, “Ándin tô ágtóngkóán yu róggun igpanó kó?”
Igsódô tô duwa dan, asta iranu tô bónnóng dan. Igtaba tô sábbad na ágngadanan ki Cleopas, na mà din, “Tun ta langun taga Jerusalem, sábbad nu dád tô ándà ikasóddór tingód katô ilumu áknganni.”
Igkagi si Jesus, na mà din, “Ándin tô ilumu?”
Igkagi sikandan, na mà dan, “Tô inému ki Jesus na taga Nazaret. Propeta sikandin, asta matulus tô langun na iglumu din asta igtinurù din tun ta saruwan ka Manama asta tun ta mga manubù. Tô mallayat ka mga pangulu ka templo asta tô mga pangulu ka Judio igpammát kandin, asta igmatayan dan sikandin na igpansalan dan tun ta krus. Asal igiman ké na sikandin tô makatábbus katô mga rubbad i Israel. Tállu dán álló tô iglabé. Isalábbuan ké, su duwán mga kadumaan dé na gabayi na igsállám tun ta iglábbángngan kandin, asal ándà lawa din na igkita dan. Tô igulì dan, igulit dan áknami na igpakita kandan tô mga panaligan ka Manama na igkagi na inanté dán si Jesus. Duwán ássa mga kadumaan dé na igsadun tun ta lábbáng, asta tô igkita dan magunawa katô igulit katô mga gabayi. Asal ándà dan kitayi sikandin.”
Igkagi si Jesus, na mà din, “Isalábbuanna ákniyu, su ándà kó pa bánnal katô langun na igkagi katô mga propeta ka Manama sayyan! Kailangan matayan pa tô Mesiyas iring katô ilumu dán tô dì pa matuman na duwán séllaán din tun ta langit.”
Na, igpénagpát i Jesus tun kandan tô langun na igsulat tun ta kagi ka Manama tingód kandin, tikud tun ta igsulat i Moises asta katô langun propeta ka Manama sayyan.
Tô madani dan dán tun ta lunsud na ágsadunan katô duwa disipulu, manayun pád si Jesus. Asal igpédu-édu dan kandin, na mà dan, “Dággà ka dini áknami, su igsalláp dán tô álló, asta masig dán dumukilám.”
Purisu igtákkás si Jesus kandan. Tô igiyambung dan, igkangé i Jesus tô pan, igpasalamat sikandin tun ta Manama, igtáppik-táppik din, asta igbággé din tun kandan. Tákkô ikakilala dan na sikandin si Jesus. Asal inandà sikandin. Igpatóngkóé sikandan, na mà dan, “Agud ta na iring na duwán ménit tun ta pusung ta tingód ka dayó ta róggun na igtóngkô sikandin áknita tun ta dalan, asta igpénagpát din áknita tô kagi ka Manama.”
Na, tô oras tô, sékót dan iglónód tun ta Jerusalem. Igkita dan tô sapulù sábbad (11) mga disipulu i Jesus na ilimud, asta tô mga kadumaan dan. Igkagi tô mga manubù na ilimud, na mà dan, “Bánnal inanté dán puman tô Áglangngagán, asta igpakita sikandin ki Simon!”
Na, igulit tô duwa disipulu tingód katô ilumu kandan tun ta dalan, asta tingód ka kakilala dan kandin dalám ka katáppik-táppik din katô pan.


Róggun na igulit dan tô tingód katô igkita dan, igdunggù si Jesus na igtindág tun ta tángngaan dan, asta igkagi sikandin, na mà din, “Mólà pa ka duwán kasunayan yu.”
Asal itingkámmád dan asta imáddangan dan, su kéman dan ka gimukud sikandin. Asal igkagi si Jesus kandan, na mà din, “Yakó ágkatanaan, asta yakó ágduwa-duwa. Sállág yu ni mga amù nit bállad ku asta nit paa ku, su bánnal sakán gó. Awid kó kanak ébô kasóddóran yu na ánnà a gimukud. Ándà lawa katô gimukud, asal duwán lawa ku na ágkitanán yu.”
Na, igpakita i Jesus kandan tô bállad asta paa din. Agad idayawan dan, asal iring na ándà dan bánnal na bánnal gó sikandin, su isalábbuan dan. Iginsà si Jesus, na mà din, “Duwán ágkannán yu kannun?”
Igbággayan dan sikandin ka sábbad abuk sáddà na igággang. Igtanggap i Jesus, asta igkan din tun ta saruwan dan.
Igkagi si Jesus, na mà din, “Tô igduma a pa ákniyu dángngan tô ándà a pa kamaté, igkagi ku ákniyu na kailangan matuman tô langun tingód kanak na igsulat i Moises, asta katô mga propeta sayyan, asta tun ta libro ka Salmo.”
Igpénagpát i Jesus kandan tô kóbadan katô kagi ka Manama na igsulat sayyan.
Igkagi sikandin, na mà din, “Mà katô kagi ka Manama na kailangan matayan tô Mesiyas, asta manté puman sikandin tun ta ikatállu álló. Igpapidda ákniyu ébô mulit-ulit kó katô mga manubù tun ta langun banuwa na pasinsiyaan ka Manama tô mga salà dan ka rumákkád dan. Kailangan tumigkané kód mulit-ulit nit lunsud ka Jerusalem. Sikiyu tô ikakita kani langun, asta kailangan ulitán yu tun ta duma mga manubù. Papiddán ku dini ákniyu tô Ugis Espiritu na igtandô katô Ámmà ku. Asal angat kó pa kannun ta lunsud ka Jerusalem sippang ka matanggap yu tô Ugis Espiritu tikud tun ta langit.”


Na, igpid si Jesus kandan, igpanó dan tikud tun ta Jerusalem, asta igsadun dan sippang tun ta Betania. Igtayó i Jesus tô bállad din, asta igdasal sikandin na tabangan dan ka Manama. Róggun na igdasal sikandin, igtananan din sikandan, asta ibatun sikandin tun ta langit. Na, igpangadap dan kandin, asta igulì dan tun ta Jerusalem na duwán dayó dan. Inalayun dan ágsadun tun ta templo, asta ágdurungán dan tô Manama.

Koute Lucas 24