ڢَارَوَ 3
3
ڢَاطُوَرْ مُتُمْ
1مَثِيجِ كُوَ يَاڢِ كُواْوَثٜىٰ دَبَّرْ دَاجِ دَ يَهْوٜىٰهْ اللَّهْ يَيِ وَيُواْ؞ مَثِيجِ يَاثٜىٰ وَمَثٜىٰنْ «كُواْ اللَّهْ يَاثٜىٰ، لَلَّيْ بَذَاكُثِ دَغَ كُواْوَنٜىٰ إِتَاثٜىٰنْ دَيَكٜىٰ أَغُواْنَرْبَ؟»#رُعُيَ 12.9؛ 20.2
2مَثٜىٰنْ تَا أَمْسَ وَمَثِيجِنْ تَثٜىٰ «مُنَدَ یَنْثِ مُثِ دَغَ یَیَنْ عِتَتُوَنْ دَسُكٜىٰ أَغُواْنَرْ؞ 3عَمَّا اللَّهْ يَثٜىٰ، ‹بَذَاكُثِ دَغَ یَیَنْ إِتَاثٜىٰنْ دَيَكٜىٰ أَڟَكِيَرْ غُواْنَرْبَ؞ كَدَ كُثِ كُواْ كُتَٻَشِ، دُواْمِنْ كَدَ كُمُتُ؞› »
4عَمَّا مَثِيجِ يَثٜىٰ وَمَثٜىٰنْ «كُواْ كَطَنْ، بَذَاكُ مُتُبَ؞ 5غَمَا اللَّهْ يَا سَنِ ثٜىٰوَ أَ رَانَرْدَ كُكَثِ دَغَ یَیَنْ إِتَاثٜىٰنَّنْ، عِدَنُونْكُ ذَاسُ بُوطٜىٰ؞ ذَاكُ كُوَ ذَمَ كَمَرْ اللَّهْ، مَاسُ سَنِنْ نَغَرْتَادَمُغُنْتَا؞»
6سَعَدَّ مَثٜىٰنْ تَغَ یَیَنْ إِتَاثٜىٰنْ سُنَدَ ݣَوْ دُواْمِنْثِ، أَبِنْ شَعَوَ نٜىٰ غَ إِدَانُو، كُمَ أَبِنْ مَرْمَرِ نٜىٰ دُواْمِنْ سَامُنْ حِكِمَ، سَيْ تَڟِنْكَ تَثِ؞ تَكُمَ بَا مِجِنْتَ وَنْدَ يَكٜىٰ تَرٜىٰدَ عِتَ، شِے مَا يَثِ؞
7سَعَنً إِدَانُنْ كُواْوَنّٜىٰنْسُ سُكَ بُوطٜىٰ، سُكَ غَانٜىٰ ثٜىٰوَ سُنَ ڟِرَرَ؞ سَيْ سُكَ سَامُواْ غَنْيَيٜىٰنْ ٻَوْرٜىٰ سُكَ طِنْطِنْكَ سُكَيِ وَكَنْسُ أَبِنْ رُڢٜىٰ ڟِرَيْثِنْسُ؞ 8عَثِكِنْ سَنْيِنْ يَمَّ، سَيْ سُكَجِ مُواْڟِنْ تَڢِيَرْ يَهْوٜىٰهْ اللَّهْ عَثِكِنْ غُواْنَرْ؞ سَيْ مُتُمِنْ دَ مَاتَرْسَ سُكَ ٻُواْيٜىٰ كَنْسُ دَغَ ڢُسْكَرْ يَهْوٜىٰهْ اللَّهْ ثِكِنْ عِتَتُوَنْ غُواْنَرْ؞ 9عَمَّا يَهْوٜىٰهْ اللَّهْ يَا كِرَا مُتُمِنْ يَثٜىٰ مَسَ «إِنَا كَكٜىٰ؟»
10سَيْ يَأَمْسَ يَثٜىٰ «نَاجِ مُواْڟِنْ تَڢِيَرْكَ ثِكِنْ غُواْنَرْ، نَاجِڟُواْرُواْ سَيْ نَٻُواْيٜىٰ كَيْنَ، غَمَا ڟِرَرَ نَكٜىٰ؞»
11 يَهْوٜىٰهْ كُمَ يَثٜىٰ «وَ يَا ڢَطَا مَكَ ڟِرَرَ كَكٜىٰ؟ كُواْ كَثِ نٜىٰ دَغَ إِتَاثٜىٰنْدَ نَعُمَرْثٜىٰكَ كَدَ كَثِ؟»
12سَيْ مُتُمِنْ يَثٜىٰ «مَاتَرْ نَنْ دَ كَبَانِ دُواْمِنْ تَكَسَنْثٜىٰ تَرٜىٰدَنِ، عِتَ تَا بَانِ یَیَ دَغَ إِتَاثٜىٰنْ، سَيْ نَثِ؞»
13 يَهْوٜىٰهْ اللَّهْ كُمَ يَثٜىٰ وَمَثٜىٰنْ «مٜىٰنٜىٰنٜىٰ وَنَّنْ دَ كِكَيِ؟»
سَيْ تَأَمْسَ تَثٜىٰ «مَثِيجِ نٜىٰ يَرُوطٜىٰنِ، سَيْ نَثِ؞»#2 كُوارْ 11.3؛ 1 تِمْ 2.14
14 يَهْوٜىٰهْ اللَّهْ يَثٜىٰ وَمَثِيجِنْ،
«سَبُواْدَ كَايِ حَكَ،
«لَعَنَنّٜىٰ نٜىٰ كَيْ
عَثِكِنْ دُكَنْ دَبُّواْبِنْ غِدَا
دَ دُكَنْ نَمُواْمِنْ دَاجِ؞
جَا دَ ثِكِ ذَاكَيِ تَڢِيَ
تُرْٻَيَا ذَاكَثِ دُكَنْ ݣُونَكِنْ رَنْكَ؞
15كَيْ دَ مَثٜىٰنْ، ذَنْسَا ڧِيَيَّ ڟَكَانِنْكُ،
ڟَكَانِنْ ذُرِيَرْكَ دَ ذُرِيَرْتَ كُمَ؞
شِ ذَيْ مُرْڧُشٜىٰ كَنْكَ،
كَيْ كُمَ ذَاكَ سَارٜىٰ دِدِّغٜىٰنْ ڧَڢَرْسَ؞»#رُعُيَ 12.17
16سَعَنً يَثٜىٰ وَمَثٜىٰنْ،
«ذَنْ ڧَارَ عَذَابَرْكِ لُواْكَثِنْ جُونَ بِيُ،
ثِكِنْ ذَاڢِ كُمَ ذَاكِ حَيْڢِ یَیَنْكِ؞
دُكْدَهَكَ،
مَرْمَرِنْكِ ذَيْ كَسَنْثٜىٰ غَ مِجِنْكِ،
مِجِنْكِ ذَيْ يِمُلْكِ عَكَنْكِ؞»
17سَيْ اللَّهْ يَثٜىٰ وَمُتُمِنْ،
«تُنْدَيَكٜىٰ كَسَوْرَرِ مَاتَرْكَ
حَرْ كَثِ دَغَ إِتَاثٜىٰنْدَ
نَعُمَرْثٜىٰكَ كَدَ كَثِ،
تُواْ، لَعَنَنِّيَ ثٜىٰ ڧَسَرْ سَبُواْدَكَيْ؞
ثِكِنْ عَذَابَ ذَاكَ نُواْمٜىٰتَ
دُواْمِنْ كَسَامِ عَبِنْثِ دَغَ ثِكِنْتَ؞#إِبْرَ 6.8
18ڧَسَرْ ذَاتَسَا ڧَيُواْيِ دَ وُتَا وُتَا سُڟِرُواْ
تَرٜىٰدَ ثِيَوَ مَيْ كَشٜىٰ أَمْڢَانِنْ غُواْنَ،
عَمَّا ذَاكَثِ دَغَ غَنْيَيٜىٰ نَڢِيلَيٜىٰ؞
19ثِكِنْ ظُڢَرْ عَيْكِ ذَاكَثِ عَبِنْثِ،
حَرْ سَيْ ضَنْدَا كَكُواْمَ ڧَسَا؞
غَمَا دَغَ وُرِنْ كَڢِتُواْ،
كَيْ تُرْٻَيَا نٜىٰ،
غَ تُرْٻَيَا كُوَ ذَاكَ كُواْمَ؞»
20ءَادَمُ#3.20 ءَادَمُ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ مُتُمْ؞ يَا سَا وَمَاتَرْسَ سُونَ هَوَّآءُ،#3.20 هَوَّآءُ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَ مَيْ مَعَنَ مَيْ رَيْ أَ نَنْ، أَنْڢَسَّرَ شِ یَنْ أَدَمْ؞ غَمَا عِتَثٜىٰ مَامَرْ دُكَنْ یَنْ أَدَمْ؞ 21يَهْوٜىٰهْ اللَّهْ كُوَ يَيِ وَمُتُمِنْ دَ مَاتَرْسَ أَبِنْ رُڢٜىٰ جِكِے نَڢَتَ، يَسَا مُسُ؞
أَنْ كُواْرِ مُتُمِنْ دَ مَاتَرْسَ
22سَيْ يَهْوٜىٰهْ اللَّهْ يَثٜىٰ «دَيَكٜىٰ يَنْذُ مُتُمْ يَا ذَمَ كَمَرْمُ، مَيْ سَنِنْ نَغَرْتَادَمُغُنْتَا؞ كَدَ يَمِيڧَ حَنُّنْسَ يَڟِنْكَ دَغَ ثِكِنْ یَیَنْ إِتَاثٜىٰ مَيْ بَادَ رَيْ، يَثِ يَرَايُ حَرْ أَبَدَا؞#رُعُيَ 22.14 23سَبُواْدَ حَكَ يَهْوٜىٰهْ اللَّهْ يَا كُواْرٜىٰشِ دَغَ غُواْنَرْ عَيْدَنْ، دُواْمِنْ يَتَڢِے يَنُواْمَ ڧَسَا، وَدَّ عَكَ حَلِثّٜىٰشِ دَ عِتَ؞» 24يَهْوٜىٰهْ اللَّهْ يَا كُواْرِ مُتُمِنْ دَغَ ثِكِنْ غُواْنَرْ؞ عَتَغٜىٰڢٜىٰنْ غَبَسْ أَغُواْنَرْ، سَيْ يَسَا حَلِتُّو مَاسُ ڢِكَڢِكَيْ رِڧٜىٰ دَ تَكُواْبِنْ وُتَا مَيْ جُويَاوَا، دُواْمِنْ سُتَرٜىٰ حَنْيَ ذُوَا إِتَاثٜىٰ مَيْ بَادَ رَيْ؞
वर्तमान में चयनित:
ڢَارَوَ 3: hauAS
हाइलाइट
शेयर
कॉपी
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020