Забур 140

140

Далда хьун паталай дуьа

1 Давудан мани.

Я Ребби, за Ваз минет ийизва:

тади ая патав зи,

зи шел-хвалдиз яб це Вуна,

за Ваз минет ийирла.

2Хушди хьурай зи дуьа,

Ви вилик кайи атирар хьиз,

зи гъилерни хкажун,

нянин къурбанд хьиз.

3Зи сивел, Ребби, къаравул эциг,

зи сивин ракӀар хуьх.

4Тамир зи рикӀив писвилихъ алгъиз,

къанунсузвилер ийизни тамир

небгетрихъ галаз,

ширинлухар абурун

нез тамир.

5Гьахъ-михьида гатурай зун –

регьим я им.

Дуьздал зун акъудрай –

им чӀем ягъай хьиз жеда заз,

инкар тийир кьили зи.

Зи дуьа акси я

небгетвилер ийизвайбуруз.

6Абурун дуванбегар

гадарайла къаядилай,

жеда абуруз зи гафарин ван,

вучиз лагьайтӀа дуьзбур я абур.

7Чил цадайла, ам гадар жедайвал,

гьа саягъда небгетрин кӀарабар

гадарна жеда агъа дуьньяда.

8Эхь, Агъа, Ребби,

зи вилер Вахъди элкъвенва;

за Вак умуд кутазва,

зун вугумир ажалдив!

9Заз къянавай чилиникай,

небгетрин желедикай

зун хуьх.

10Небгетар чеб аватрай чпин чилериз,

зун, лагьайтӀа, абурал ацалтдач.

वर्तमान में चयनित:

Забур 140: ЛезПК

हाइलाइट

कॉपी

Want to have your highlights saved across all your devices? Sign up or sign in

Пак Калам के बारे में और अधिक जानें