Забур 139
139
Аллагьди небгетрикай хуьн паталай дуьа
1Манидаррин чӀехидаз. Давудан мани.
2Хилас ая, Ребби, зун и пис касдикай,
зун хуьх дарда твазвайдакай.
3Абуру рикӀе чӀуру къаст тунва,
датӀана дяведиз гьазур я.
4Чпин кӀирер, гъуьлягъри хьиз, хци ийизва,
абурун сивел агъу ала гуьрзедин.
Макьамдин ара
5Хуьх зун, я Ребби,
небгетрин гъилерикай,
къакъуда зун, зи кӀвачер татабиз,
зун дарда тваз кӀанзавайбурукай.
6Кьама ялар авайбуру
зун паталди туькӀуьрнава
желени кемен,
рекьел чил къянава,
эцигнава ракьар заз.
Макьамдин ара
7За Реббидиз лагьана: «Вун я зи Аллагь,
зи дад-бидадриз яб це тӀун, я Ребби!
8Агъа, Ребби, зи хиласвилин къуват,
дяведин юкъуз Вуна зи кьил кӀевирна.
9Ийимир, Ребби,
небгетриз кӀандайвал,
абурун чӀуру къастуниз
агалкьун гумир,
абурук дамах акат тийирвал».
Макьамдин ара
10Зал алтӀуш хьанвайбурун
кьилерал атуй чпин мецери
лагьай бедбахтвал.
11Къурай абурал кузвай жуьгьенар,
абур цӀуз аватрай,
дерин дагьардиз,
мад хкаж техжервал.
12ЧӀуру мез авай касди
чилел чка кьун тавурай:
зун дарда твазвайдав
писвал вичив агакьда вич телеф ийиз.
13Заз чида, Реббиди
кесибар патал дуван ийида,
муьгьтежбурун пад кьада.
14РикӀивайни, гьахъ-михьибуру
шукур гъида тӀварцӀиз Ви,
Вун авай чкада амукьда дуьзбур.
वर्तमान में चयनित:
Забур 139: ЛезПК
हाइलाइट
शेयर
कॉपी
Want to have your highlights saved across all your devices? Sign up or sign in
© Институт перевода Библии, 2010-2024