YEREMIYA 23से लोकप्रिय बाइबिल छंद

शेयर

Xana munhu a nga fihleka exihundleni, leswaku ndzi nga n'wi voni, ku vula Yehovha? A ndzi ku: Matilo ni misava swi tele ha mina, ku vula Yehovha?

“Vonani, ku vula Yehovha ma ta masiku lawa ndzi nga ta humesela Davhida ha wona xihluke xa ku lulama, yi va hosi ya vukosi leyi fumaka hi vutlhari, yi veka ku avanyisa ni ku lulama emisaveni. Emikarhini ya yena, Yuda u ta hanya, Israele a tiakela eku tsakeni kutani hi rona vito lero va nga ta n'wi vitana ha rona: ‘Yehovha, ku lulama ka hina.’

“Va ni khombo varisi lava onhaka, lava hangalasaka ntlhambi wa madyelo ya mina,” ku vula Yehovha.

Kutani mina, ndzi ta hlengeleta leswi saleke swa ntlhambi wa mina ematikweni hinkwawo laha ndzi va hangalaseleke kona, ndzi va tlherisela evudyelweni bya vona, va andzisiwa, va tala. Ndzi ta va nyika varisi lava va rixaka; a va nga ha chavi, a va nga ha rhurhumeli, a ku nga ha pfumaleki na un'we wa vona, ku vula Yehovha.

Ku vula Yehovha wa mavandla, a ku: “Mi nga tshuki mi yingisela marito ya vaprofeta lava mi profetelaka; va mi kanganyisa, va vula leswi va swi vonaka etimbilwini ta vona, swi nga ri leswi humaka enon'wini wa Yehovha.