ESAYA 51से लोकप्रिय बाइबिल छंद

शेयर

“Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi

Ndzi vekile marito ya mina enon'wini wa wena, ndzi ku vekile endzhutini wa voko ra mina, ku andlala matilo lamantshwa ni ku sungula misava leyintshwa, ni ku byela Siyoni: ‘U tiko ra mina!’ ”

“Ndzi yingiseni, n'wina lava tivaka swo lulama, wena tiko leri nga ni nawu wa mina embilwini ya wena! Mi nga chaveni xisandzu xa vanhu, mi nga tshukisiwi hi mirhukano ya vona

Hikuva Yehovha u chavelerile Siyoni, u chavelerile marhumbi ya yena hinkwawo, u endlile mananga ya yena xivandla lexi fanaka na Edeni, ni nhova ya yena mitanga ya Yehovha. Ku ta kumiwa kona ku tsaka ni mikhuvo ya ku tsaka, tinsimu ta ku dzunisa ni mpfumawulo wa timbila.

Vakutsuriwa va Yehovha va ta tlhela va nghena eSiyoni hi tinsimu ta ku tsaka; ku tsaka loku nga heriki ku ta va etinhlokweni ta vona, ku tsaka ni ku tsakisisa swi ta tshama na vona; ku vaviseka ni mikosi swi ta va balekela.