ESAYA 41से लोकप्रिय बाइबिल छंद

शेयर

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Hikuva ndzi Xikwembu xa wena la tiyisaka voko ra wena ra xinene, la ku byelaka: U nga chavi, ndza ta ku ta ku lamulela.

Vonani! Va ta chava, va va ni tingana hinkwavo lava ku karihelaka, va ta herisiwa, va ta lova hinkwavo lava kanetanaka na wena

Ndzi ku tekile emakun'wini ya misava, ndzi ku vitanile etikweni leri nga ekule, ndzi ku byerile, ndzi ku: ‘U nandza wa mina,’ ndzi ku hlawurile, a ndzi ku nyenyanga!

u ta va lava, kutani u nga ha va kumi lava nga ku pfukela; va ta herisiwa va hundzuka swahava, lava nga valala va wena.

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

“Kambe wena Israele, nandza wa mina, wena Yakobo, loyi ndzi ku hlawuleke, xaka ra Abrahama leri ndzi ri rhandzeke!

Ndzi ta pfelerisa milambu emitsungeni, ni miseledyana exikarhi ka mikova, ndzi ta hundzula mananga tiva, ni misava leyi omeke mati lama khulukaka.

Swisiwana ni vapfumari va lava mati va nga ma kumi, ririmi ra vona ri omile hi torha. Mina Yehovha, ndzi ta va yingisa, mina Xikwembu xa Israele ndzi nga ka ndzi nga va tshiki.

La heriseke swilo sweswo i mani? Hi yena la vitaneke tinxaka ta vanhu ni le ku sunguleni, mina Yehovha, lowo rhanga ni la nga hundzukiki ku ya fika ni makumu.”

Ndzi ta mirisa emananga kedari, ni munga, ni mirta, ni mutlhwari, ndzi ta mirisa kipresi, ni nkuhlu, ni seringa ekwandzasini; leswaku vanhu va vona ni ku tiva, va va va xiya, kutani va anakanya leswaku i voko ra Xikwembu leri nga endla swilo sweswo ni leswaku Muhlawuleki wa Israele, hi yena Muendli wa swona.